Կոնվերս Բանկի «Վանաձոր» մասնաճյուղը նախկին ք. Վանաձոր, Խորենացի 1գ հասցեի փոխարեն արդեն գործում է նոր`ք. Վանաձոր, Գրիգոր Լուսավորիչ 40 հասցեում:
Ս.թ. հունվարի 23-ին տեղի ունեցավ մասնաճյուղի վերագործարկման հանդիսավոր արարողությունը:
«Վանաձոր» նոր մասնաճյուղը լավագույնս հարմարեցված է բանկային ժամանակակից ծառայությունների սպասարկման ստանդարտներին, հագեցած է անհրաժեշտ սարքավորումներով և հմուտ անձնակազմով:
Ի տարբերություն նախկին պայմանների՝ այժմ արդեն իրավաբանական անձանց սպասարկումն առանձնացված է, ինչը հնարավորություն է տալիս տարանջատել հաճախորդներին ու նրանց կողմից իրականացվող գործարքները՝ իրականացնելով առավել արագ սպասարկում:
«Վանաձոր» -ից բացի քաղաքում գործում է Կոնվերս Բանկի ևս մեկ՝ «Լոռի» մասնաճյուղը, ինչը խոսում է Լոռի մարզում ապրող և գործող մեր հաճախորդների կողմից Բանկի նկատմամբ վստահության մասին:
Նպատակ ունենալով անընդհատ կատարելագործել բանկ-հաճախորդ հարաբերությունները Կոնվերս Բանկը մեծապես կարևորում է ինչպես առաջարկվող պրոդուկտների այնպեսև իր մասնաճյուղերի պայմանների բարելավումը՝ ձգտելով ապահովել բարձր չափանիշներին համապատասխանություն և հաճախորդների սպասարկման համար առավել բարենպաստ և ժամանակակից պայմաններ:
Այսպես, ընդամենը վերջին մեկ տարվա ընթացքում Կոնվերս Բանկը վերանորոգել ու վերագործարկել է թվով 4 մասնաճյուղ՝ 4 քաղաքներում, ինչպես նաև բացել է 3 նոր մասնաճյուղ երեք տարբեր քաղաքներում, որից մեկը Երևանում, իսկ երկուսը մարզերում: