Lurer.com-ը գրում է․
Հայաստանի վարչապետ Նիկոլ Փաշինյանը և Բելառուսի նախագահ Ալեքսանդր Լուկաշենկոն ԵԱՏՄ գագաթնաժողովի ժամանակ վիճել են հաջորդ նման հանդիպմանը հայկական պատվիրակության մասնակցության ձևաչափի շուրջ, հայտնում է ՏԱՍՍ-ը։
Վեճը սկսվել է այն բանից հետո, երբ Փաշինյանը հայտարարեց, որ հայկական պատվիրակությունը 2025 թվականի մայիսին Մինսկում կմասնակցի Եվրասիական բարձրագույն տնտեսական խորհրդի հաջորդ նիստին՝ հեռավար ձևաչափով։
«Ո՞րն է ձեր խնդիրը, Մինսկը շա՞տ հեռու է, հարցրել է Լուկաշենկոն։ Փաշինյանը պատասխանել է, որ «արդեն հրապարակային հայտարարություն է արել այս հարցի վերաբերյալ, և այս հայտարարությունը մնում է ուժի մեջ»։ «Չեմ կարծում, որ սա ճիշտ ձևաչափ է այս հարցերը քննարկելու համար, և ես պետք է անմիջապես արձագանքեի, որպեսզի թյուրիմացություն չլինի»։
Լուկաշենկոն պատասխանել է «Մենք կքննարկենք ձեր դիմումը»։ «Ի՞նչ կա քննարկելու։ Իմ հայտարարությունը քննարկման ենթակա չէ», արձագանքել է Փաշինյանը։
