Արարատի մարզում մեքենան դուրս է եկել ճանապարհից և հայտնվել դաշտում․ կան տուժածներ

Հունվարի 30-ին, ժամը 20։34-ին Արարատի մարզային ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհին՝ Շահումյան գյուղի մոտակայքում տեղի է ունեցել ՃՏՊ․ կան տուժածներ։ 

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Մեղրի ավտոճանապարհի 33-րդ կմ-ին «ՎԱԶ-2106» մակնիշի ավտոմեքենան (վարորդ՝ Ս․ Շ․, ծնված 1955 թ․) դուրս է եկել ճանապարհի երթևեկելի հատվածից և հայտնվել դաշտում։

Փրկարարները տուժածներին մոտեցրել են շտապօգնության ավտոմեքենային և հոսանքազրկել ավտոմեքենան:

Վարորդը և ուղևոր Գ․ Ս․-ն (ծնված 1968 թ․) հոսպիտալացվել են Արտաշատի ԲԿ, որտեղ բժիշկները նրանց առողջական վիճակը գնահատել են միջին ծանրության: