Lurer.com-ը գրում է․
Ժամանակն է, որ ուկրաինացիներն ընդունեն, որ Կիևը երբեք կամ տեսանելի ապագայում չի միանա ԵՄ-ին։ Նման կարծիք է հայտնել Գերագույն Ռադայի ընդդիմադիր մտածող պատգամավոր Ալեքսանդր Դուբինսկին, փոխանցում է ՏԱՍՍ-ը։
«Թվում է, թե մեր համաքաղաքացիների մեծ մասն արդեն հրաժարվել է այն մտքից, որ Ուկրաինան երբեք չի լինի ՆԱՏՕ-ում: Հիմա եկել է «վայրէջքի» երկրորդ մասի ժամանակը։ Ուկրաինան նույնպես երբեք կամ տեսանելի ապագայում չի միանա ԵՄ-ին։ Եվ այս կետը նույնպես պետք է դուրս հանել սահմանադրությունից»- գրել է նա իր Telegram-ի ալիքում:
Դուբինսկու խոսքով՝ հիմնական պատճառը, որն անհնարին է դարձնում Ուկրաինային անդամակցել ԵՄ-ին, երկրի գյուղատնտեսության ոլորտն է։ «Դա կարող է սպառնալիք լինել եվրոպական երկրների մեծ մասի համար»,-նկատել է պատգամավորը։
Նրա կարծիքով, իրավիճակը կարող է մասամբ կարգավորվել Եվրոպա հացահատիկ չարտահանելու ուկրաինական իշխանությունների հանձնառությամբ։ «Սակայն դա կաշխատի, եթե Ուկրաինան պահպանի ելքը դեպի ծով: Եթե ոչ, ապա ԵՄ-ն երբեք գոյություն չի ունենա»,- հավելել է պատգամավորը:
