ԱՄՆ-ի Նևադա նահանգում կայացած գեղեցկության մրցույթում առաջին անգամ տրանսգենդեր կին է հաղթել։
Այժմ մոդելը նախատեսում է մասնակցել նոյեմբերին կայանալիք «Միսս ԱՄՆ» մրցույթին։
27-ամյա մոդել Կատալունա Էնրիկեսը ծննդով Ֆիլիպիններից է։ Նա ԱՄՆ է տեղափոխվել 10 տարեկանում։
2016 թվականից նա սկսել է մասնակցել գեղեցկության մրցույթների, սակայն իր ճանապարհը, ինչպես մոդելն է նշել, բարդ է եղել։
Աղջիկը հաղթող է ճանաչվել Queen California, Queen USA 2016, Super Sireyna WWUSA մրցույթներում, ինչպես նաև՝ Queen of the Universe տրանսգենդերների միջազգային մրցույթում:
Նշենք, որ մրցույթի արդյունքներն իրարանցում են առաջացրել, սակայն շատերն աջակցել են հաղթողին՝ կարծելով, որ մասնակիցներից ամենագեղեցիկը հենց Էնրիկեսն է։
«Տղամարդ է, բայց գեղեցիկ է մյուս կանանցից»,- մեկնաբանություններում գրում են շատերը։
