Panorama.am-ը գրում է․
Freedom House-ի Հատուկ հետազոտությունների տնօրեն (Director for Special Research) Նեյթ Շենկանն ակտիվորեն հետևում է Լեռնային Ղարաբաղում Ադրբեջանի սանձազերծած պատերազմին ու Հայաստանի նկատմամբ ագրեսիային։
«Երբ անօդաչու թռչող սարքերը կամ հրթիռները, ռազմական միջոցները խփվում են Հայաստանի Հանրապետության խիստ բնակեցված տարածքներում, այսինքն՝ ոչ Ղարաբաղում, և շփման գծից բավականին հեռու, պետք է հիշեցնի, թե ինչու հայերը դա չեն դիտում պարզապես որպես պատերազմ Ղարաբաղի համար»,-գրել է Շենկանը։
Հիշեցնենք, որ նախօրեի երեկոյան Գեղարքունիքի մարզի Շատվան գյուղը, Մեծ Մասրիկը ենթարկվել են Ադրբեջանի հրետանային ու ԱԹՍ-ներից հարձակման: Սպանվել է 1 քաղաքացիական անձ, 2 քաղաքացիական անձ վիրավորում է ստացել:
Հայաստան էր ներթափանցել նաև չորս ԱԹՍ, որոնք ոչնչացվել էին ՀՕՊ համակարգերի կողմից։
