Tert.am-ը գրում է․
Ծանոթացել ենք հայտարարությանը, սակայն դրա Հայաստանի դիրքորոշումը ավելի ուշ կներկայացվի: Այս մասին ասաց արտաքին գործերի նախարարի մամուլի խոսնակ Աննա Նաղդալյանը՝ անդրադառնալով ԵԱՀԿ ՄԽ համանախագահների հայտարարությանը, որով կոչ են արել անհապաղ դադարեցնել ռազմական գործողությունները Լեռնային Ղարաբաղում և առանց նախապայմանների վերսկսել բանակցությունները:
«Մենք մշտական կապի մեջ ենք ԵԱՀԿ Մինսկի խմբի համանախագահների և համանախագահության երկրների բարձր ղեկավարների հետ, մեզ համար հակամարտության կարգավորման ձևաչափը ԵԱՀԿ Մինսկի համախագահների ձևաչափն է և առաջնահերթությունը կրակի դադարեցման ուղղությամբ ձեռնարկած քայլերն են, ի վերջո՝ կրակի դադարումը»,-ասաց նա:
Ինչ վերաբերում է Ռուսաստանի կողմից հանդիպման կազմակերպման առաջարկին՝ Աննա Նախդալյանը նշեց. «Մենք բարձր ենք գնահատում ՌԴ մեր գործընկերների դերը 1994-1995 թվականներին հրադադարի հաստատման գործում, ուշադրությամբ հետևում և ողջունում ենք համանախագահ երկրների կառուցողական ներգրավվվածությունն այս գործընթացում, բայց ներկա դրությամբ որևէ հանդիպման անցկացման վերաբերյալ տեղեկություն չունենք»:
Ամբողջական հոդվածը կարող եք կարդալ այստեղ
