News.am-ը գրում է․
Հայաստանում կորոնավիրուսի վերաբերյալ անձնական տվյալների արտահոսք չկա: Այս մասին հուլիսի 13-ին ՀՀ Ազգային ժողովի արտահերթ նիստին, պատասխանելով պատգամավորների հարցերին, հայտարարեց ՀՀ փոխվարչապետ, պարետ Տիգրան Ավինյանը:
Ըստ Ավինյանի՝ այժմ առողջապահության նախարարությունը եւ ՀՀ Արտակարգ իրավիճակների նախարարությունն արդեն 3-4 էլեկտրոնային հավելված են օգտագործում, որոնք թույլ են տալիս հետեւել քաղաքացիների տեղաշարժին:
«Համակարգի գործունեության ամբողջ ընթացքում՝ սկսած մարտի կեսերից, վարակվածների հետ շփված 54 հազար մարդ է հայտնաբերվել: Արտակարգ իրավիճակների նախարարությունից ահազանգեր էին ստացվում, որոնք պարզում էին նրանց շփման շրջանակը վերջին օրերին։ Համակարգը շարունակում է գործել, եւ այժմ դեռ չի կարող չեղարկվել»,- նշեց փոխվարչապետը:
Ընդ որում, պարետը վստահեցրեց, որ քաղաքացիների անձնական տվյալները անվտանգության մեջ են: Տվյալների բազան, Ավինյանի խոսքով, կոտրել չեն փորձել։
«Միայն մեկ կամ երկու արտահոսք է եղել էլ․ հասցեներից, ուստի քաղաքացիների հետ բոլոր շփումներն արգելվել է վարել էլեկտրոնային փոստի միջոցով»,- հայտնեց փոխվարչապետը:
Հարցը թելադրված է այն հանգամանքով, որ ինչ-ինչ պատճառներով ադրբեջանցի հաքերները գրեթե 4 հազար հայի տվյալներ էին գողացել եւ հրապարակել: Փորձագետների կարծիքով՝ խոսքը ոչ թե առանց տվյալների կոտրելու մասին է, այլ՝ ֆիշինգի։
