News.am-ը գրում է․
Չինաստանի օրենքը Հոնկոնգում անվտանգության մասին խախտում է Հոնկոնգի բարձր ինքնավարության աստիճանը եւ վտանգում է 1984 թվականի համատեղ հռչակագրով պաշտպանված ազատություններն ու իրավունքները: Այս մասին հայտարարել է Մեծ Բրիտանիայի վարչապետ Բորիս Ջոնսոնը, փոխանցում է Reuters-ը:
«Ազգային անվտանգության մասին այս օրենքի ընդունումն ու ուժի մեջ մտնելը չին-բրիտանական համատեղ հռչակագրի հստակ եւ լուրջ խախտում է: Այն խախտում է Հոնկոնգի ինքնավարության բարձր աստիճանը եւ ուղղակիորեն հակասում է Հոնկոնգի հիմնական օրենքին: Օրենքը սպառնում է նաեւ համատեղ հռչակագրով պաշտպանված ազատություններին եւ իրավունքներին,- հայտարարել է Ջոնսոնը խորհրդարանում:- Մենք հասկացրել ենք, որ եթե Չինաստանը շարունակի գնալ այս ճանապարհով, մենք գործողություններ կձեռնարկենք»:
