Քլորհեքսիդինի ջրային լուծույթը հասանելի և շատ արդյունավետ հականեխիչ միջոց է, որը լայնորեն օգտագործվում է շատ հիվանդությունների բուժման և կանխարգելման համար, և ոչ միայն…
Ներկայացնում ենք դեղատնային միջոցի օգտագործման ավանդական և քիչ հայտնի մեթոդները:
Քլորհեքսիդինի լուծույթ
1. Հականեխիչ մշակում
Քլորհեքսիդինը կարող է ոչ միայն կանխել պաթոգեն միկրոֆլորայի բազմացումն ու աճը, այլև վերացնել այն: Հականեխիչ միջոցի 0,05%-անոց լուծույթով լվանում են վերքերը, քերծվածքները:
Քիմիական այրվածքի դեպքում նույն խտության ջրային լուծույթը կարող է մաքրել քիմիական նյութերը և սառեցնող ազդեցություն ունենալ, բայց միայն այրվածքի քիմիական պատճառի չեզոքացումից հետո:
Կպած վիրակապերը կամ պլաստիրները հանելը, կոշտուկների փուչիկների կամ հետքերի վերացումն առանց քլորհեքսիդինի չի լինի: Այն նաև հրաշալի միջոց է ձեռքերի ախտահանման համար:
Քլորհեքսիդինի ջրային լուծույթը փիրսինգի կամ դաջվածքների հատվածի մշակման արդյունավետ միջոց է, թարախակալման հրաշալի կանխարգելիչ: Դեղամիջոցը գրգռվածություն և ալերգիա չի առաջացնում, հոտ չունի, չի ընդհատում ապաքինումը, սպի չի առաջացնում:
2. Ատամնաբուժություն
Քլորհեքսիդինը կիրառվում է բուժումից առաջ բերանի խոռոչի հականեխիչ մշակման համար: Բերանի խոռոչը ողողում են դեղամիջոցի 0,05-0,1%-անոց լուծույթով ատամները հեռացնելուց հետո, գինգիվիտի և պերոդոնտիտի դեպքում, նաև անգինայի տեղային բուժման համար: Միոցն օգտակար է նաև բերանի տհաճ հոտը վերացնելու համար:
Արդյունավետ ողողման միջոց կարելի է տանը պատրաստել, պետք կլինի միայն քլորհեքսիդինի 0,1%-անոց լուծույթ և մի քանի կաթիլ անանուխի բուրավետիչ: Այս միջոցը ոչնչով չի զիջում խանութի թանկարժեք ողողելու միջոցներին: Բայց պետք է իմանալ՝ քլորհեքսիդինի հաճախակի օգտագործումը կարող է էմալի մգություն առաջացնել:
3. Կոսմետոլոգիա
Քլորհեքսիդինի ջրային լուծույթը թանկարժեք ջերմային ջրի հրաշաի այլընտրանք է: Այն մաշկը չի չորացնում, ունի հրաշալի փայլատող ազդեցություն:
Քլորհեքսիդինը նաև կօգնի խուսափել մաշկի գրգռվածությունից զգայուն գոտիների էպիլյացիայի ժամանակ, կարող է փոխարինել տղամարդկանց սափրվելուց հետո լոսյոնին, քանի որ մաշկը չի չորացնում և շատ լավ պայքարում է կարմրության դեմ: Միջոցն արդյունավետ է նաև ակնեի դեպքում, բայց միայն վաղ փուլերում:
4. Քլորհեքսիդինը՝ կենցաղում
Շատ արդյունավետ է ավտոմեքենայի և տան օդորակիչների մաքրման և ախտահանման համար: Քլորհեքսիդինը հետքեր չի թողնում պլաստիկի, կաշվի և կտորի վրա:
Մի քիչ լուծույթ խառնիր ջրին, կստանաս տարածքի մաքրության և հատակը լվալու հրաշալի միջոց: Այս խոնավ մաքրումն օգտակար է համաճարակային անբարենպաստ իրավիճակի կամ կենսաբանական կեղտերի մաքրման համար: Ցածր խտության լուծույթ կարելի է օգտագործել սեղանի սպասքի ողողման համար:
