Դեմքի ստորին հատվածի արտահայտված դեֆորմացիան, որը բնորոշ է եվրոպական արքայական Հաբսբուրգյան դինաստիայի ներկայացուցիչներին, ազգակցական ամուսնությունների արդյունք է, գրում է BBC-ին՝ վկայակոչելով իսպանացի գիտնականների նոր հետազոտությունը:
Արատավոր երևույթը, որը ոչ պաշտոնապես անվանում են «Հաբսբուրգյան ծնոտ», ակնհայտորեն երևում է թագավորական դինաստիայի ներկայացուցիչների դիմանկարներում `ինչպես կանանց, այնպես էլ տղամարդկանց:
Հաբսբուրգները Եվրոպայի ամենահզոր թագավորական դինաստիաններից մեկն է եղել: Ինչը նրանց հաջողվել է հենց ազգակցական ամուսնությունների շնորհիվ, քանի որ ստիպված չեն եղել մասնատել տարածքները:
Ազգակցական ամուսնությունները արգելված են բազմաթիվ երկրներում օրենքով, քանի որ այն մեծացնում է բնածին արատների զարգացման ռիսկը: Արյունակցական կապ ունեցող ծնողները կարող են երեխային փոխանցել արատավոր գենի նույն ձևը: