«Թեև մի քանի շաբաթ է` Գագիկ Հարությունյանը հեռացել է Սահմանադրական դատարանի նախագահի պաշտոնից, սակայն շարունակում է ապրել «կառավարական դաչայում», չնայած, մամուլում շրջանառվող լուրերի համաձայն, նա Մոնումենտում` «Հաղթանակ» զբոսայգու հարևանությամբ, Բաբայան փողոցում շքեղ առանձնատուն ունի, և այն վարձով է տրված Հայաստանում Ճապոնիայի դեսպանատանը:
Ներկայումս «կառավարական դաչայում» նրանից բացի ապրում են նաև Սերժ Սարգսյանը, արտգործնախարար Էդվարդ Նալբանդյանը, ինչի մասին ասել է նախագահի գործերի կառավարիչ Վարուժ Գրիգորյանը: Հայտնել է նաև, որ վարչապետ Կարեն Կարապետյանը չի տեղափոխվել այնտեղ, պաշտպանության նախարար Վիգեն Սարգսյանը` ևս: Տիգրան Սարգսյանից հետո այնտեղ մինչ օրս վարչապետ չի ապրել, ինչպես որ Տիգրան Թորոսյանից հետո` ոչ մի ԱԺ նախագահ: Հովիկ Աբրահամյանը, ինչպես և Գալուստ Սահակյանը` ԱԺ նախագահի պաշտոնում, իրենց տներից չտեղափոխվեցին:
Փոխարենը` Սեյրան Օհանյանը երկար տարիներ ապրել է կառավարական առանձնատներից մեկում»,-գրում է թերթը:
Նյութն ամբողջությամբ կարդացեք թերթի այսօրվա համարում:
