«Հայկական ժամանակ». ՊԵԿ-ի՝ «Առինջ մոլի» գործու­նեությունը հարկային տեսանկյունից կասկածի տակ դնելու հիմքերը

«Երեկ վերջապես ՀՀ պետա­կան եկամուտների կոմի­տեն մի քանի շաբաթվա լռությունից հետո արձագանքեց «Առինջ մո­լի» շուրջ տեղի ունեցող իրադարձություններին:

 

Մի քանի շաբաթ է, ինչ «Առինջ մոլի» առևտրականները բողոքի ակ­ցիաներ են անցկացնում՝ դժգոհելով ՊԵԿ-ի գործողություններից: Այն, որ հատկապես փոքր տնտեսվարողները դժգոհ են հարկայինից, դրա­նում ոչ մի տարօրինակ բան չկա: Տարօրինակն այն է, որ բողոքի ակ­ցիաներին մասնակցում են բացառապես «Առինջ մոլ» անունը կրող տոնավաճառի առևտրականները: Պետեկամուտների կոմիտեն երեկ տարածած հաղորդագրու­թյան մեջ նշել է այն փաստարկները, որոնք հիմք են հանդիսացել «Առինջ մոլում» ստուգումներ իրականացնե­լու համար: «Պարզվել է, որ բողոքի զանգվածային ակտիվ հակվածու­թյամբ աչքի ընկնող ընկերությունը («Առինջ մոլ»), ունենալով, ի դեպ, ամենաշատ հարկ վճարողների քանակը, համանման այլ սուբյեկտ­ներից էականորեն ցածր ֆիսկալ հասույթ է արձանագրել 2017թ. հուն­վար-հոկտեմբեր ամիսներին: Մաս­նավորապես՝ եթե «Փեթակ» տոնավաճառում գործունեության իրականացնող 345 հարկ վճարող նշված ժամանակահատվածում ունեցել է շուրջ 4 մլրդ դրամի շրջանառություն, «Սուրմալու» տոնավաճառի 361 հարկ վճարող՝ ավելի քան 4.5 մլրդ դրամի շրջանառություն, ապա «Առինջ մոլում» գրեթե կրկնակի քանակով գործող 748 հարկ վճա­րողները ցույց են տվել մոտ 2.9 մլրդ դրամի շրջանառություն»,- նշված է հաղորդագրությունում:

 

Այսինքն, եթե «Փեթակ» կամ «Սուրմալու» տոնավաճառներում մեկ առևտրական օբյեկտի հաշ­վով միջինը ցույց է տրվել 11.5-12.5 միլիոն դրամի շրջանառություն, ապա «Առինջ մոլ»-ում այդ ցուցա­նիշը չի հասնում 4 միլիոնի՝ մոտ երեք անգամ քիչ է. ըստ ՊԵԿ-ի՝ սա արդեն հիմք է «Առինջ մոլի» գործու­նեությունը հարկային տեսանկյունից կասկածի տակ դնելու և ստու­գումներ իրականացնելու համար: Մեկ այլ համեմատություն, որ երեկ ԶԼՄ-ներին է տրամադրել պետեկամուտների կոմիտեն: «Առինջ մոլում» 748 առևտրական օբյեկտ­ներում գրանցված վարձու աշխատողների ընդհանուր թիվը կազմում է 338 է: Այսինքն՝ մեկ օբյեկտի հաշ­վով 0.45 աշխատող: «Սուրմալու» և «Փեթակ» տոնավաճառներում, ՊԵԿ-ի ներկայացրած տվյալներով, այդ ցուցանիշը 0.97 է: Սա էլ ՊԵԿ-ի կասկածն է առաջացնում, որ «Առինջ մոլում» ստվերային աշխա­տողներ կան, որոնք գրանցված չեն և հարկեր չեն վճարում:

 

Ըստ հաղորդագրության՝ հենց այսպիսի ցուցանիշներն են հիմք հանդիսացել, որ ՊԵԿ-ը կենտրոնա­նա «Առինջ մոլի» վրա: «ՀՀ ԿԱ ՊԵԿ-ը, լինելով ապաքաղաքական մար­մին, կարծում է, որ լինելով ապաքաղաքական մարմին, կարծում է, որ սոցիալական, քաղաքական կամ որևէ այլ պատճառաբանությամբ հարկ չվճարող և դրա հաշվին օգուտ ստացող յուրաքանչյուր ոք ընդամենը շարքային օրինախախտ է, իսկ, այսպես կոչված՝ «մեծ վարչարարությունը» կարող է և պետք է վերաբերի բացառապես օրինապահ հարկ վճարողներին: Հարկերից խուսափելու ցանկացած դրսևորում, անկախ հարկ վճարողի բնույթից, պետք է կանխվի, բոլոր այն դեպքերում, երբ առկա է հարկ չվճարելու ռիսկ, ՊԵԿ- ը պարտավոր է արձագանքել: Հե­տևաբար, այն հարկ վճարողները, որոնք խախտում են ՀՀ հարկային օրենսդրությունը, ՊԵԿ-ի կողմից դի­տարկվում են որպես ռիսկային, և վերջիններիս նկատմամբ, «Ստու­գումների մասին» ՀՀ օրենքի համա­ձայն, հարկային տեսչություններն իրականացնում են հսկողական մի­ջոցառումներ»,-գրում է թերթը:

 

Նյութն ամբողջությամբ կարդացեք թերթի այսօրվա համարում: