«Մեր տեղեկություններով՝ ԱԺ պատգամավոր, հայտ­նի օլիգարխ Սամվել Ալեքսանյանը, որը վիսկիի գոր­ծարան է հիմնել Իրաքում, ձեռք է բերել նաև մոտ 1000 հատ էշ, որոնցով վիսկին լեռնային ճանա­պարհներով տեղափոխում է հարևան երկրներ:
 
Այս տեղեկությունը «ՀԺ»-ի թղթակիցը երեկ փորձել է ճշտել անձամբ Ալեքսանյանից: Վերջինս ակամայից հաստատել է այս տեղեկությունը: Թղթակիցը ԱԺ մի­ջանցքում մոտեցել է Ալեքսանյանին ու հարցրել. «Պարոն Ալեքսանյան, տեղեկություններ կան, որ Իրաքից էշերով...»: Առանց հարցը մինչև վերջ լսելու՝ Ալեքսանյանն անմիջապես ափերից դուրս է եկել. «Արա քելե, արա, հավայի մի խոսա, ինչ ես հավայի խոսում»:
 
Չափազանց ուշագրավ հարց է ծագում, Ալեքսանյանը որտեղի՞ց գիտեր, թե ինչ հարց է տալու թղթակիցը: «Իրաքից էշերով» արտահայտու­թյունը նրա համար ոչինչ չէր նշանակի և առնվազն հե­տաքրքրություն կառաջացներ: Իսկ Ալեքսանյանը ակնթարթորեն հասկացել է, թե ինչի մասին է խոսքը: Ահա այսպիսով էլ կարելի հաստատված համարել, որ Ալեքսանյանի Իրաքում գտնվող վիսկիի գործա­րանից արտադրանքը էշերով տեղափոխվում է հա­րևան երկրներ: Լեռնային ճանապարհներով վիսկի­ով բարձած էշերը «հավայի» քշելու կարիք չէր լինի, եթե արտահանումը օրինական լիներ»,-գրում է թերթը:
 
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել