Ողջ աշխարհում մոտավորապես 925 միլիոն մարդ ապրում է ծայրահեղ սովի մեջ, մինչդեռ 1,5 միլիարդ մարդիկ միջինից գեր են:
Ամենագեր մարդիկ ապրում են համեմատաբար առավել զարգացած երկրներում։ Օրինակ՝ ԱՄՆ-ում ամեն երրորդ մարդը գեր է։
Եթե նախաճաշն ու ընթրիքը սովորաբար ռեստորանում եք անցկացնում, ապա հավանականությունը շատ մեծ է, որ շուտով դուք էլ կհամալրեք գեր մարդկանց շարքերը։
Բժիշկներն ասում են, որ գիրությունը կնոջ մոտ նվազեցնում է հղիանալու շանսերը։
ԱՄՆ-ն համարվում է աշխարհի ամենագեր երկիրը։ Այնտեղ 15 տարեկանից մեծ մարդկանց 38․2%-ը գեր է։ Հաջորդ տեղում Մեքսիկան է, ուր ցուցանիշը 32.4% է։
Չափազանց գեր լինելը կարող է անգամ մահվան հանգեցնել։ Տարեկան 2․8 միլիոն մարդիկ են գիրության պատճառով մահանում։
Քունը նույնպես կապ ունի ձեր քաշի հետ․ օրական քիչ քնելը նույնպես առաջացնում է գիրություն։
Հյութերը համարվում են օգտակար ըմպելիքներ, բայց պետք չէ մոռանալ, որ մեր օրգանիզմն ի սկզբանե նախատեսված է ընդունել սովորական ջուր։ Եթե բացառեք հյութերը ձեր սննդակարգից և փոխարենը միայն ջուր խմեք, ապա մեծ քանակությամբ կալորիաներ կկրճատեք։
Օգտագործած կրկնակի բուրգերի, կոկա կոլայի և ֆրիի կալորիաներն այրելու համար անհրաժեշտ է առանց կանգնելու 7 ժամ շարունակ քայլել։
Եթե գեր եք, ապա ավտովթարի ժամանակ զոհվելու ձեր հավանականությունը 80%-ով ավելի մեծ է։
Եղեք առողջ։
