Ռուսաստանի քաղաքացին, որը Թուրքիայում ՌԴ դեսպանին սպանած Մևլյութ Ալթընթաշի ընկերուհին է, հարցաքննվել է Մոսկվայում սպանության հետաքննության շրջանակներում, հաղորդում է Hurriyet թուրքական թերթը՝ վկայակոչելով իր աղբյուրին։
Քննության տվյալներով՝ կինը, որը ներկայում բնակվում է Մոսկվայում, կապ ունի ռուս դեսպանի սպանության հետ։ Պարզվել է, որ Ալթընթաշը նրա հետ հարաբերություններ է ունեցել Անկարայում։ Կինը Մոսկվա է մեկնել նախքան Կառլովի դեմ մահափորձը։
Պարբերականի աղբյուրի տվյալներով՝ ՌԴ քննչական մարմինները հայտնաբերել են կնոջը և նրան հարցաքննության են կանչել։ Կինը հաստատել է, որ հարաբերություն է ունեցել Ալթընթաշի հետ։
Հիշեցնենք, որ ՌԴ դեսպանը սպանվել է դեկտեմբերի 19-ին Անկարայում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել