Դեռ երեկ մենք հպարտությամբ հայտարարեցինք այն մասին, որ մեր հայրենակից Սևակ Խանաղյանը հաղթել է ուկրաինական «X Factor» մրցույթում։
Այսօր ևս ուրախալի լուր ունենք հայտնելու: Սուրեն Ջուլհակյանը հաղթել է ուկրաինական «Битвы экстрасенсов» մրցույթի 16-րդ եթերաշրջանում։
31-ամյա Սուրենին անվանում են «ժամանակի տիրակալ», իր աշխատանքում օգտագործում է վայրկյանաչափ, հայելի, զանազան ատրիբուտներ, որոնց շնորհիվ կարողանում է տեսնել անցյալի և ապագայի իրադարձությունները։
«Ես անսահման երջանիկ եմ Ուկրաինայի տարվա լավագույն էքստրասենսի կոչումը և այս գավաթը ստանալու կապակցությամբ, սակայն, ինձ համար նույնչափ կարևոր է, որ կարողացել եմ գրավել ժողովրդի համակրանքը։ Երախտապարտ եմ Աստծուն և ճակատագրին այս պահի համար»,- ասաց Սուրենը՝ չթաքցնելով իր ուրախությունը և զգացմունքները։
Հավելենք, որ Սուրենն իր հաղթանակը նվիրեց հորը։
Շնորհավորում ենք Սուրենին և մաղթում նորանոր հաջողություններ։
