Tert.am-ը գրում է.
Ո’չ Հարավային Սուդանում վթարված ինքնաթիռը, ո’չ էլ շահագործող ընկերությունը գրանցված չեն Հայաստանում: Այս մասին Tert.am-ին հայտնեց Հայաստանի քաղաքացիական ավիացիայի գլխավոր վարչության մամուլի քարտուղար Ռուբեն Գրձելյանը:
«Հայաստանում գրանցված չի եղել, ոչ էլ ինքնաթիռը շահագործում է որևէ հայկական ավիաընկերություն»,- հայտնեց մամուլի քարտուղարը:
Հիշեցնենք, որ «Ինտերֆաքսին» իրազեկ աղբյուրը հայտնել էր, որ ռուսական բոլոր ավիաընկերությունները հայտնում են, թե ինքնաթիռն իրենց չի պատկանել և չի բացառել, որ այն կարող է պատկանել որևէ հայկական ավիաընկերության:
Հիշեցնենք, որ Reuters–ը հայտնել էր, որ ինքնաթիռը կոշտ վթարային վայրէջք է կատարել մայրաքաղաքի օդանավակայանից թռիչքից կարճ ժամանակ անց և ինքնաթիռում եղել է ՌԴ-ից անձնակազմի հինգ անդամ և յոթ ուղևոր, որոնցից միայն երկուսն են ողջ մնացել, այդ թվում՝ մեկ երեխա:
