Երևանում «ԿամԱԶ»–ի վթարի պատճառով վարորդը մահացել է

Tert.am-ը գրում է.

Տարածքային կառավարման և արտակարգ իրավիճակների նախարարություն օգոստոսի 21-ին՝ ժամը 20.23.-ին, տեղեկատվություն է ստացվել, որ Երևանի Գրիբոյեդովի փողոցի թիվ 25 շենքի մոտակայքում տեղի ունեցել է ՃՏՊ. կա տուժած անհրաժեշտ է օգնություն:

Ըստ ՏԿԱԻՆ կայքի՝ պարզվել է որ, «ԿամԱԶ» մակնիշի 99 AA 899 պ/հ ավտոմեքենան (վարորդ՝ 1966 թ. ծնված Ա. Ջ.) բախվել է ծառին:

Հրշեջ-փրկարարները վարորդին դուրս են բերել ավտոմեքենայից և մոտեցրել շտապօգնության ավտոմեքենային, Ա. Ջ.-ը տեղափոխվել է «Միքայելյան վիրաբուժության ինստիտուտ», որտեղ մահացել է:

Հրշեջ-փրկարարները հոսանքազրկել են ավտոմեքենան և դադարեցրել վառելիքի արտահոսքը: