Footsport.am-ը գրում է.
Ինչպե՞ս թիմն արթնացավ երկարատև թմբիրից, ֆուտբոլիստը որքան ակտիվ էր, նույնքան էլ անարդյունավետ, ոչ ֆուտբոլային կրքեր խաղավարտից հետո, ֆուտբոլիստին թարգմանիչ է պետք, առաջատարը մեծացնում է արագությունը, իսկ հետապնդողները դոփում են տեղում: Այս և մի քանի այլ այլ նկատառումներ Հայաստանի բարձրագույն խմբի առաջնության 11-րդ մրցափուլից:
ՓՐԿՕՂԱԿ` ‹‹ԱԼԱՇԿԵՐՏԻ›› ՀԱՄԱՐ
Վերոգրյալ մտքին ես հանգում ‹‹Միկա ››- ‹‹Ալաշկերտ ›› հանդիպումից հետո: Հյուրերը մինչ այդ առաջնությունում անցկացրել էին 10 հանդիպում, սակայն չէին ճաշակել հաղթանակի քաղցրությունը: ‹‹Միկայի›› հետ հանդիպումից առաջ էլ շատերը նախապատվությունը տալիս էին դաշտի տերերին, որոնք մինչ այդ առաջնությունում կրել էին ընդամենը մեկ պարտություն: Թվում է` ‹‹Միկայի›› ֆուտբոլիստներն էլ հերթական 3 միավորը հանգիստ վաստակելու մտայնությամբ էին մտել խաղադաշտ: Թերևս այդ ինքնավստահությունն արդյունք էր նախորդ մրցափուլում փյունիկցիների նկատմամբ առավել քան համոզիչ հաղթանակի, երբ բազմակի չեմպիոնի դարպասը միկացիներն ուղարկեցին 3 անպատասխան գնդակ: Ընդ որում, ‹‹ Միկան›› այդ տպավորիչ հաղթանակը տոնեց առանց գլխավոր մարզչի ներկայության: ‹‹Ալաշկերտի›› հետ հանդիպմանն արդեն թիմի գործողությունները ղեկավարում էր մարզչական դասընթացներից վերադարձած Արամ Ոսկանյանը: Ասել է թե, ևս մեկ հաղթաթուղթ դաշտի տերերի համար: Մինչդեռ ‹‹Ալաշկերտը›› մրցասպարեզ էր մտել նախորդ տուրում կրած հերթական պարտությունից հետո, և բացի այդ, նորանշանակ մարզչի գլխավորությոմբ: Իհարկե, ‹‹Ալաշկերտի›› նոր գլխավոր մարզիչ Արմեն Գյուլբուդաղյանցը մեր ճանաչված մարզիչներից է, և հայտնի է իր կազմակերպչական ունակություններով: Սակայն նա այս հանդիպանը` թիմին նախապատրաստելու համար ուներ ընդամենը մի քանի օր, ինչը, թվում է , բավարար ժամանակաշրջանն չէր մրցակցին անակնկալ մատուցելու համար: Սակայն հանդիպման ընթացքն այլ բան ապացուցեց: Ասել, որ հյուրերի գործողություններում կտրուկ ու արմատական փոփոխություններ նկատվեցին, ճիշտ չի լինի: Սակայն ակնառու էր ‹‹Ալաշկերտի›› կազմակերպված խաղը, երբ յուրաքանչյուր ֆուտբոլիստ ձգտում էր կատարել իրենից պահանջվող առավելագույնը: Թերևս խաղային կարգապահության և կազմակերպվածության շնորհիվ հյուրերն այդ հանդիպումն ավարտեցին հաղթանակով: Կարելի է ասել, որ թիմը վերջապես դուրս եկավ երկարատև թմբիրից, իսկ թե արդյոք հաջողությունը շարունակական բնույթ կստանա, ցույց կտա ժամանակը: Այս հարցում Գյուլբուդաղյանցը թիմի համար հանդիսացավ յուրատեսակ փրկօղակ, գոնե այս խաղի համար: Չմոռանանք, որ սա առաջնությունում ‹‹Ալաշկերտի›› առաջին և դեռևս միակ հաղթանակն է : ‹‹Ալաշկերտի›› գլխավոր մարզիչն էլ այս հաղթանակից հետո հեռու գնացող եզրակացություններ չի անում. ‹‹Մրցաշային վիճակի շտկման եւ ցուցադրած խաղի որակի բարելավման մասին դեռ վաղ է խոսել: Դա հնարավոր կլինի մի փոքր ավելի ուշ, հիմա դեռ ծանոթանում ենք թիմի ներուժին եվ խաղացողների կարողություններին: Մի տեսակ ճանաչման փուլում ենք: Կազմի հնարավոր փոփոխություններն էլ կկատարվեն առաջիկա 4 հանդիպումների անցկացումից հետո միայն, երբ խաղադադար լինի առաջնությունում»- հետխաղյա մամուլի ասուլիսի ժամանակ նշեց Գյուլբուդաղյանցը::
ԾԵԾԿՌՏՈՒՔՆ ‹‹ԱՐԱՐԱՏԻՆ›› ՊԵՏՔ ՉԷՐ, ԻՍԿ ‹‹ԳԱՆՁԱՍԱՐԻ՞Ն›› …
Մրցափուլի կենտրոնական հանդիպումը Կապանում էր, որտեղ տեղի ‹‹Գանձասարը›› հյուընկալել էր ‹‹Արարատին››: Առաջնությունում լուրջ նպատակներ հետապնդող կապանցի ֆուտբոլիստներին հաղթանակն անհրաժեշտ էր` առաջատարի միջև միավորևների տարբերության քանակը նվազեցնելու համար: Բնականաբար, սպասվում էր սուր և անզիջում պայքար, որն էլ, ականատեսների վկայությամբ, առկա էր խաղադաշտում: Մրցակցությունն ավարտվել է արարատցիների նվազագույն հաղթանակով, և մնում էր ֆուտբոլիստները բաժանվեին խաղաղությանբ, ինչպես ընդունված է սովորաբար: Սակայն խաղադաշտում երկու թիմերի ֆուտբոլիստների միջև սկսվում է հարաբերությունների պարզում, քաշքշոց… հարց է առաջանում. ում էր դա պետք: Բնականաբար, արարատցիները հաղթանակով էին ավարտել հանդիպումը և չէին ցանականա այն ինչ-որ ձևով այն ստվերվեր: Դաշտի տերերը սկզբունքային մրցախաղում պարտվել էին, ինչը, հավանաբար, որոշ խաղացողների նյարդայնացրել էին: Սակայն այս դեպքում էլ ‹‹Գանձասարի›› ֆուտբոլիստներին հարաբերությունների պարզումը նման ձևով ձեռնտու չէր, քանի որ դրանից ոչինչ չի փոխվի: Իհարկե, ավելի ուշ պարզ կլինեն միջադեպի մեղավորները և հավանաբար պատժամիջոցներ կկիրառվեն: Իսկ Կապանում իր մոտակա մրցակցներից մեկի նկատմամբ տարած առաջատարի հերթական հաղթանակը հնարավորություն տվեց ‹‹Արարատին›› էլ ավելի ամրապնդելու առաջատարի իր դիրքը, քանի որ առաջատարին հետապնդող մյուս թիմը`‹‹Փյունիկն›› էլ այս մրցափուլում միավորներ կորցրեց:
ԹԱՐԳՄԱՆԻՉ ՏՐԱՄԱԴՐԵՔ, ՈՐ ԳՈԼ ԽՓԻ
11- րդ մրցափուլի վերջին խաղում ‹‹Փյունիկը›› հանդիպեց ‹‹Բանանցի›› հետ: Այս թիմերը տարբեր տրամադրությամբ էին մոտեցել հանդիպմանը. Փյունիկցիները նախորդ տուրում 0-3 հաշվվ ջախջախիչ պարտություն էին կրել ‹‹Միկայից››, ‹‹Բանանցը›› գրեթե մեկուկես խաղակես 10 ֆուտբոլիստով հերոսաբար դիմագրավել և ոչ-ոքի էր ավարտել հանդիպումը‹‹ Արարատի›› հետ: Հանդիպման կարևորությունը մեծ էր, լարվածությունը նկատելի, սակայն այն դիտարժան չստացվեց: Եվ ամենևին էլ ոչ այն պատճառով, որ այդպես էլ դարպասի գրավում չարձանագրվեց:
Ամբողջական հոդվածը կարող եք կարդալ այստեղ