Ռեժիսոր Ելենա Արշակյանի նոր` «Դեպի վայրէջք» հեռուստասերիալում խաղում է նաև դերասան Ալեքսանդր Բաբասյանը։ Tert.am Life–ի հետ զրույցում նա ասաց, որ այս անգամ ևս խաղալու է բացասական հերոսի։ Ըստ սցենարի` Ալեքսանդրի և Մերի Հակոբյանի հերոսների միջև սիրավեպ է սկսվում, որը փոխում է հերոսի կյանքը։
«Կերպարս շատ հետաքրքիր ու բազմաֆունկցիոնալ է։ Հերոսս թմրամոլ է, լկտի, կնամոլ, սակայն երբ սիրահարվում է, ամեն բան փոխվում է։ Համաձայնեցի խաղալ այս դերը, որովհետև ֆանտաստիկ լավ և բարդ կերպար է։ 10 տարի է` սերիալային ասպարեզում եմ, առաջին անգամ եմ սցենարը կարդալիս անհանգստություն զգացել։ Հասկացա, որ շատ հզոր, լավ, միաժամանակ` ահավոր բարդ դեր է»,– ասաց դերասանն ու հավելեց, որ մարմնավորում է գլխավոր կերպարներից մեկը։
Ժամանակին Ալեքսանդրը հրաժարվում էր խաղալ բացասական կերպարներ։ Ռեժիսոր Ելենա Արշակյանը երկրորդ անգամ է կոտրում դերասանի կարծրատիպը։ Առաջինը «Կայարան» հեռուստասերիալում Առնոյի կերպարն էր։
Ամբողջական հոդվածը կարող եք կարդալ այստեղ։
Նյութի աղբյուր՝ http://life.tert.am/am/news/2017/04/25/sash/36142
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել