168.am-ը գրում է․
Թուրքիայի պաշտպանության նախարար Ֆիքրի Ըշըքը հայտարարել է, որ սիրիացի ապստամբները Թուրքիայի բանակի աջակցությամբ իրենց վերահսկողության տակ են վերցրել Սիրիայի հյուսիսային Ջարաբլուս քաղաքը, տեղեկացնում է Reuters-ը:
Քաղաքը երկար ժամանակ գտնվել է ԴԱԻՇ-ի վերահսկողության ներքո: Նա հայտարարել է, թե քաղաքի գրավումը կանխել է այդ շրջանում քրդերի միավորումը:
Թուրք նախարարը հավելել է, որ Թուրքիան աջակցելու է սիրիացի ապստամբներին այնքան ժամանակ, քանի դեռ նրանք վերահսկողություն չեն սահմանել այդ շրջանի ողջ տարածքի նկատմամբ:
Reuters-ի աղբյուրների տեղեկություններով` ապստամբները գրեթե 10 կմ առաջացել են Ջարաբլուսից հարավ: Նշվում է, որ քրդերը տեղաշարժվել են 8 կմ դեպի հյուսիս:
Թուրքական տանկերը ԱՄՆ-ի գլխավորած կոալիցիայի օգնությամբ Սիրիա են մտել օգոստոսի 24-ին: