Barometer.am-ը գրում է.
Պրաչուպ Կանպհետը՝ Թայլանդի Այուտհայա նահանգի բնակիչը, անտառում վայրի մեղր հավաքելու ժամանակ փաթեթ է հայտնաբերել, որը սինթետիկ ամֆետամին թմրանյութի 700 հազար հաբ է պարունակել՝ 7 մլն դոլար արժողությամբ:
Կանպհետը սկսել է հաբերն անվճար բաժանել այն ընկերներին, ովքեր ֆինանսական դժվարությունների մեջ են եղել:
Ոստիկանները, նկատելով Այուտհայա նահանգում սինթետիկ թմրանյութերի անօրինական շուկայում գների կտրուկ անկումը, պարզել են, որ նահանգի ոմն բնակիչ հաբեր է բաժանում ընկերներին, որոնք պարտքեր ունեն, նրանց ֆինանսական վիճակը շտկելու համար:
Ոստիկաններն առայժմ այնքան էլ չեն վստահում իրենց գործակալների և կասկածյալի համընկած տեղեկությանը ամֆետամինի հաբերի անշահախնդիր նվիրատվության մասին, սակայն գործում առայժմ այլ վարկածներ չեն հաստատվել:
Կանպհետին մեղադրանք է ներկայացվել խոշոր չափի թմրանյութեր պահելու և բաժանելու համար: Սակայն նրա արարքը, ընկնելով Թայլանդի քրեական օրենսգրքի համապատասխան հոդվածի տակ, այնուամենայնիվ բացառիկ է, որովհետև ՔՕ-ն ելնում է նրանից, որ թմրանյութը տարածվում է շահադիտական դրդապատճառներով, ոչ թե անվճար բաժանվում է:
Այս գործով քննությունը շարունակվում է: