Tert.am-ը գրում է.
Նոյմեբերի 25-ին ՀՀ Ազգային անվտանագության ծառայության և Ոստիկանության համատեղ գործողությունների արդյունքում վնասազերծված խմբի գործողությունների, նպատակների, մտադրությունների վերաբերյալ հասարակական տարբեր ընկալումներում կար և կան` տարակուսանք և հարցականներ: Այս մասին այսօր լրագրողների հետ հանդիպմանը հայտարարեցին «Ազգ» օրաթերթի գլխավոր խմբագիր Հակոբ Ավետիքյանը և քանդակագործ Ֆերդինանդ Ղազարյանը:
«Այդ տեսարանները, որ մենք տեսանք … մի մասը գտնում է, որ թատրոն էր, որ ներկայացում էր, ներսում քնած … դրսի պատը քանդում են ոչ մեկը չլսե՞ց, ՀՀ-ում էլ անվտանգություն կա, մի խոսքով անհասկանլի բաներ շատ կային»,- ասաց Ֆերդինանդ Ղազարյանը` ավելացնելով, որ այդ հարցականներին գումարվում է, թե ինչու ՀՀ իրավապահները չկարողացան կանխել Պերմյակովի հանցագործությունները, ՀՀ-ում տեղի ունեցող սպանությունները:
«Ազգ» օրաթերթի գլխավոր խմբագիր Հակոբ Ավետիքյանը ևս այն կարծիքին է, որ դեպքին հասարակությունը կասկածանքով վերաբերեց, իսկ մինչև ԱԱԾ հայտարարությունը ու որոշ մանրմասների հրապարակումը, առհասարակ, «անըմբռնելի էր»:
«Բացի այդ, Հայաստանում իշխանության նկատմամբ անվստահություն կա, դրա համար էլ մեր հասարակությունն այդպես մեղմ ընդունեց այս տեղեկատվությունը»,– ասաց նա: Այնպես որ, ցրելու համար այդ անվստահության մթնոլորտը, Հակոբ Ավետիքյանը գտնում է, որ որոշ մանրամասներ, որոնք չեն կարող են խանգարել, քննությանը, լրացուցիչ պետք է հայտնվեն:
