Գամբիայի նախագահ Յայա Ջամեմեն արգելել է կանանց թլպատումը, հայտնում է The Guardian-ը:
Վերջին տարիներին Գամբիայում կանանց թլփատման վիրահատություններն ավելի քիչ աջակցություն են ստանում, սակայն UNICEF-ի տվյալներով` երկրի կանանց 76 տոկոսը ենթարկվել են այդ վիրահատությանը: Մինչև 14 տարեկան աղջիկների 56 տոկոսը նույնպես կանացի թլփատման զոհ է:
Ներկայումս դա արգելված է Աֆրիկայի 19 երկրներում, իսկ 2015 թվականից դրանց միացել է Նիգերիան: 2012 թվականի նոյեմբերի 28-ին ՄԱԿ-ը հանդես է եկել այդ սովորույթի արգելմամբ:
Առողջապահության համաշխարհային կազմակերպության տվյալներով` նմանատիպ գործողությունը բերում է առողջական բազմաթիվ խնդիրների, վարակային հիվանդությունների և ծննդաբերության ժամանակ բարդացումների:
Կանացի թլփատումը իրենից ներկայացնում է առանց ցուցումների իրականացված վիրահատություն` կանանց սեռական օրգանների որոշ մասի հեռացմամբ և վնասմամբ: Այդ գործողության նպատակն է սահմանափակել սեռական գործողության ժամանակ կանանց հաճույք ստանալը և նրանց սեռական ակտիվույթունը: