Tert.am-ը գրում է.
Հայաստանի ազգային հավաքականը Եվրո-2016-ի ընտրական մրցաշարում հերթական՝ 5-րդ պարտությունը կրեց, որը պաշտոնական մրցումներում 4-րդ անընդմեջն էր:
Բեռնար Շալանդի գլխավորությամբ ՀՀ հավաքականն արդեն ձախողվել էր ընտրական մրցաշարի առաջին շրջանում՝ գործնականում զրկվելով եզրափակչի ուղեգրի համար պայքարելու հնարավորությունից: Մեկնարկային 4 հանդիպումներում մեր հավաքականը վաստակել էր ընդամենը 1 միավոր և եզրափակում էր I խմբի մրցաշարային աղյուսակը:
Սարգիս Հովսեփյանի գլխավորությամբ մեր ֆուտբոլիստները շարունակեցին իրենց անհաջող ելույթներն ընտրական մրցաշարում՝ զիջելով Պորտուգալիայի և Սերբիայի հավաքականներին: Ընտրական մրցաշարի 6-րդ տուրից հետո Հայաստանի հավաքականը դարձավ I խմբի բացահայտ հետնապահը:
ՀՀ հավաքականի ներկայիս արդյունքը վատագույնն է Եվրոպայի առաջնությունների ընտրական մրցաշարերում: Մինչ այդ, 5 տուրից հետո մեր ընտրանին կրկնել էր 2008թ. Եվրոպայի առաջնության ընտրական մրցաշարի 5 հանդիպումներում Իան Պորտերֆիլդի օրոք գրանցած իր ամենացածր արդյունքը՝ վաստակելով ընդամենը 1 միավոր:
Սակայն 6-րդ տուրում շոտլանդացի մարզչի գլխավորությամբ Հայաստանի հավաքականն ընտրական մրցաշարում իր անդրանիկ հաղթանակն էր տոնել՝ հոբելյանական՝ 100-րդ խաղում հյուրընկալվելիս 2:1 հաշվով պարտության մատնելով Ղազախստանի հավաքականին: Հետաքրքիր է, որ այդ խաղի հաղթական գոլը 11մ հարվածով խփել էր Սարգիս Հովսեփյանը:
Հարկ է նշել, որ այդ հաղթանակը Հայաստանի հավաքականի համար միակն է Եվրոպայի առաջնությունների ընտրական մրցաշարերի 6-րդ տուրի հանդիպումներում: Մնացած բոլոր մրցաշարերում 6-րդ տուրն անհաջող է դասավորվել մեր ֆուտբոլիստների համար, որոնք պարտություններ են կրել:
Նույնիսկ մեր հավաքականի համար առայժմ ամենահաջող՝ 2012թ. Եվրոպայի առաջնության ընտրական մրցաշարում մեր ֆուտբոլիստները 6-րդ տուրում անհաջողության են մատնվել՝ հյուրընկալվելիս 1:3 հաշվով զիջելով ռուսներին:
Ներկայացնում ենք Եվրոպայի առաջնությունների ընտրական մրցաշարերի 6 հանդիպումներից հետո մեր հավաքականի ցուցանիշներն ու կայացած խաղերի համառոտ վիճակագրությունը
1996թ. ընտրական մրցաշար
07.09.1994 Բելգիա-Հայաստան` 2:0(1:0)
08.10.1994 Հայաստան-Կիպրոս` 0:0
16.11.1994 Կիպրոս- Հայաստան` 2:0(1:0)
26.04.1995 Հայաստան-Իսպանիա` 0:2(0:0)
10.05.1995 Հայաստան-Մակեդոնիա՝ 2:2(1:0)
07.06.1995 Իսպանիա- Հայաստան՝ 1:0(0:0)
2000թ. ընտրական մրցաշար
05.09.1998 Հայաստան-Անդորրա` 3:1(1:0)
10.10.1998 Հայաստան-Իսլանդիա` 0:0
14.10.1998 Ուկրաինա- Հայաստան` 2:0(1:0)
27.03.1999 Հայաստան-Ռուսաստան` 0:3(0:1)
31.03.1999 Ֆրանսիա-Հայաստան՝ 2:0(2:0)
05.06.1999 Իսլանդիա- Հայաստան` 2:0(1:0)
2004թ. ընտրական մրցաշար
07.09.2002 Հայաստան-Ուկրաինա` 2:2 (0:2)
16.10.2002 Հունաստան-Հայաստան` 2:0(1:0)
29.03.2003 Հայաստան-Հս. Իռլանդիա` 1:0(0:0)
02.04.2003 Իսպանիա- Հայաստան` 3:0(0:0)
07.06.2003 Ուկրաինա-Հայաստան՝ 4:3(1:1)
06.06.2003 Հայաստան- Հունաստան՝ 0:1(0:1)
2008թ. ընտրական մրցաշար
06.09.2006 Հայաստան-Բելգիա` 0:1(0:1)
07.10.2006 Հայաստան-Ֆինլանդիա` 0:0
11.10.2006 Սերբիա-Հայաստան` 3:0(0:0)
15.11.2006 Ֆինլանդիա-Հայաստան` 1:0 (1:0)
28.03.2007 Լեհաստան-Հայաստան՝ 1:0(1:0)
02.06.2007 Ղազախստան-Հայաստան՝ 1:2(0:2)
2012թ. ընտրական մրցաշար
03.09.2010 Հայաստան-Իռլանդիա` 0:1(0:0)
07.09.2010 Մակեդոնիա-Հայաստան` 2:2(1:1)
08.10.2010 Հայաստան-Սլովակիա` 3:1(1:1)
12.10.2010 Հայաստան-Անդորրա` 4:0(3:0)
26.03.2011 Հայաստան-Ռուսաստան՝ 0:0
04.06.2011 Ռուսաստան- Հայաստան` 3:1(1:1)
2016թ. ընտրական մրցաշար
07.09.2014 Դանիա-Հայաստան՝ 2:1(0:0)
11.10.2014 Հայաստան-Սերբիա՝ 1:1(0:0)
14.11.2014 Պորտուգալիա- Հայաստան` 1:0 (0:0)
29.03.2015 Ալբանիա-Հայաստան՝ 2:1 (0:1)
13.06.2015 Հայաստան-Պորտուգալիա՝ 2:3 (1:1)
04.09.2015 Սերբիա- Հայաստան՝ 2:0(1:0)