Araratnews.am-ը գրում է․
Բալթիմորում նախօրեին տեղի ունեցած բռնությանն արդարացում չկա: Այս մասին հայտարարել է ԱՄՆ նախագահ Բարաք Օբաման:
«Բռնությանը, որին մենք ականատես եղանք նախօրեին, չկա արդարացում: Դա անարդյունավետ է»,-նշել է Օբաման՝ Ճապոնիայի վարչապետ Սինձո Աբեյի հետ համատեղ մամուլի ասուլիսի ժամանակ:
Օբաման նաև նշել է, որ այն մարդիկ, ովքեր հարձակվում են առևտրի կենտրոնների վրա, ոչ թե բողոքում են, այլ թալանում:
Նշենք, որ ըստ վերջին տվյալների՝ Բալթիմորում ձերբակալվել է շուրջ 200 մարդ, 15 շենք և 144 մեքենա այրվել են, մի շարք խանութներ՝ թալանվել: Անկարգությունների հետևանքով տուժել են նաև ոստիկաններ: Քաղաքում պարետային ժամ է սահմանվել:
Հիշեցնենք, որ ցուցարարները փողոց են դուրս եկել այն բանից հետո, երբ ոստիկանության կողմից բերման ենթարկված սևամորթը մահացել է ոստիկանական բաժանմունքում։