Lurer.com-ը գրում է.

Ինչպես հայտնում է itar-tass-ը, ԱՄՆ-ի հատուկ ծառայությունները պնդում են, որ «Մալայզիայի ավիագծերի» մարդատար ինքնաթիռը հուլիսի 17-ին Ուկրաինայի երկնքում «սխալմամբ» խփել են աշխարհազորայինները, ովքեր, ըստ երևույթին, այն ընդունել են ռազմական ինքնաթիռի տեղ: Այս մասին հայտնել են ԱՄՆ-ի հետախուզության ներկայացուցիչները:

Ըստ նրանց՝ ավիավթարի դեպքի հետ կապված Ռուսաստանի իշխանությունների՝ անմիջական մասնակցության մասին տեղեկատվություն Վաշինգտոնը չունի, սակայն Ռուսաստանն ստեղծել է պայմաններ, որոնք էլ այդ ավիավթարի պատճառն են դարձել:

Այս եզրակացություններն ԱՄՆ-ի հետախուզության աշխատակիցները հիմնավորել են՝ իրենց մոտ ունենալով արբանյակներից ստացված առկա լուսանկարները, որոնք նաև զետեղված են սոցիալական ցանցերում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել