Աշխարհում ընդունված տենդենց կա, որ հայտնիները պետք է ունենան սեփական բիզնեսն ու անվանական բրենդը:
ArmՏtar.am-ը կբացահայտնի հայ հայտնիներից մի քանիսի բիզնես գործունեությունը, նրանց եկամուտի չափը, հանդիպող խնդիրներն ու նոր բիզնես հիմնելու ցանկությունը:
Դերասանուհի Աննա Հարությունյան՝ նիհարեցման կենտրոն
«Լինելով մի մասնագիտության տեր, ինչպիսին դերասանությունն է, չես կարող ունենալ մշտական եկամուտ, բայց դե ապրել պետք է, չէ՞: Սա էր պատճառներից մեկը, որ ձեռնամուխ եղա իրականացնելու այս նախագիծը՝ հիմնել նիհարեցման կենտրոն: «Գեղեցկությունը կփրկի աշխահը», համաձայն եմ այս կարգախոսի հետ և հենց սա էր այս բիզնեսը հիմնելու գաղափարը: Ցանկացա ստեղծել մի գործ, որն ուղղակիորեն կառնչվի գեղեցկության հետ:
Միշտ հաճույք եմ ստացել գեղեցիկ կանանց շրջապատում գտնվելուց, խորհուրդներ լսել, ինքս էլ արտահայտվել: Այս անգամ որոշեցի կարծիքս արտահայտել բիզնեսի տեսքով և օգնել բոլոր այն մարդկանց, ովքեր առանց առողջությունը վնասելու, կազատվեն ավելորդ քաշից: Չեմ կարող ասել, թե որքան եկամտաբեր է այն, քանի որ եկամտից խոսելը դեռ վաղ է, բայց հուսամ, որ հաջողությունը շուտով ինձ հյուր կգա ֆինանասական տեսանկյունից: (ծիծաղում է):
Ճիշտ է, բիզնեսում մանր խնդիրներ առաջանում են, բայց դրանց նորմալ եմ վերաբերում: Խնդիրներ ունենում են բոլորը, հարցը այն է, թե ինչպիսի լուծումներ տալ դրանց:
Դեռ այլ բիզնես հիմնելու մտահղացում չունեմ: Ինչպես ասում են, բիզնեսը խաղ ու պար չէ, ինչպես դերասանությունը»:
Dj Վակցինա - The Laboratory՝ համերգների, կորպորատիվ միջոցառումների, ֆլեշմոբերի, հարսանյաց եւ ծննդյան արարողությունների և այլ միջոցառումների կազմակերպման ընկերություն:
«Հիմնեցի այս բիզնեսը, քանի որ պատվերները շատ էին, հատկապես հարսանիքների, Dj-ների, շոու ծրագրերի կազմակերպման, խանութների բացման, տեխնիկական ապահովման և այլն: The Laboratory ընկերության աշխատանքի հիմնական ուղղությունը բացօթյա և ակումբային միջոցառումներն են և սոցիալական ծրագրերի իրականացումը: Բացի ամբողջական միջոցառումներ կազմակեպելուց, մենք տրամադրում ենք նաև Dj-ներ, ձայնային և լուսային սարքավորումներ: Ներկայիս միջոցառումների կազմակերպման ընկերություններից տարբերվում ենք ավելի ժամանակակից մոտեցումներով և երկար տարիների աշխատանքային փորձով:
Շարունակությունն` այստեղ