բացել լրահոսը
02.10.2013  02:16

12-ժամյա ակցիա. պահանջել են ընդունել «Ընտանեկան բռնության մասին» օրենքը. ՏԵՍԱՆՅՈՒԹ

Epress.am

Epress.am-ը գրում է.

«Ընդդեմ կանանց նկատմամբ բռնության»կոալիցիան այսօր բաց նամակ է հանձնել ՀՀ կառավարությանը, որով ահանջում է ընդունել ՀՀ «Ընտանեկան բռնության մասին» ՀՀ օրենքը:
Նամակի հեղինակները նշում են, որ 2013թ-ի փետրվարի 11-ին Կառավարությունը նպատակահարմար չի գտել ընդունել «Ընտանեկան բռնության մասին» ՀՀ օրենքը և Կառավարության կողմից հանձնարարություն է տրվել նախագծի դրույթները ներառել այլ իրավական ակտերում: Այժմ Կոալիցիայի անդամները կոչ են անում քայլեր ձեռնարկել և հանձն առնել այն պարտավորությունների իրականացմանը, որոնք արտահայտված են «Ընդդեմ գենդերային բռնության» ազգային ծրագրում և Հայաստանի կողմից վավերացված միջազգային մի շարք փաստաթղթերում:
Բացի դա, Կոալիացիան ակնկալում է ՀՀ վարչապետ Տիգրան Սարգսյանի անմիջական օգնությունը հոկտեմբերի 1-ը «Ընտանեկան բռնության դեմ պայքարի ազգային օր» ճանաչելու հարցում:
Ի աջակցություն իրենց պահանջների՝ Կոալիացիայի անդամներն այսօր առավոտյան 09:00-ից 12-ժամյա խաղաղ հավաք են սկսել ՀՀ կառավարության շենքի դիմաց:
Հոկտեմբերի 1-ը «Ընտանեկան բռնության դեմ պայքարի ազգային օր» ճանաչելու պահանջը կապված է 2010 թվականի նույն օրը դաժան ծեծի հետևանքով զոհված 20-ամյա Զարուհի Պետրոսյանի դեպքի հետ:
«Այդ դեպքը միակը չէր, սակայն նախադեպային, քանի որ նպաստեց Հայաստանում ընտանեկան բռնության երևույթի տարածվածության մասին դիսկուրսի առաջացմանը ԶԼՄ-ների կողմից մեր հասարակությունում թաքնված ընտանեկան բռնության դեպքերի վերծանմանն ու լուսաբանմանը, քաղաքացիների կողմից այդ երևույթի մասին իրազեկվածության բարձրացմանը», – տարածած հայտարարության մեջ նշում են Կոալիցիայի անդամները:
Epress.am-ի թղթակցի հարցին՝ արդյո՞ք Կոալիցիան համագործակցում է քաղաքական ուժերի հետ, որպեսզի օրենքն ընդունելու հարցը բարձրացնի նաև խորհրդարանում, «Հասարակություն առանց բռնության» ՀԿ-ի ծրագրերի ղեկավար Աննա Նիկողոսյանը պատասխանել է, որ Կոալիցիայի անդամները հնարավորինս փորձում են համագործակցել պատգամավորների կամ որոշում կայացնող կառույցների հետ: Նիկողոսյանը, առանց անուններ նշելու, ընդգծել է, որ կան պատգամավորներ, ովքեր դրական են տրամադրված օրենքի նկատմամբ, սակայն օրենսդիրներից մի մասն էլ ցանկություն չունի, որպեսզի օրենքն անցնի:
Նիկողոսյանի խոսքով՝ իրենք չեն ցանկանում քաղաքականության մաս կազմել, այլ պարզապես ցանկանում են, որպեսզի կառավարությունը կատարի իր միջազգային, ինչպես նաև ազգային պարտավորությունները:
«Հանրային տեղեկատվություն և գիտելիքի կարիք» հասարակական կազմակերպության ղեկավար Մամիկոն Հովսեփյանը նույնպես նշել է, որ Կոալիցիան իր առջև հարցը քաղաքականացնելու կամ չքաղաքականացնելու խնդիր չի դրել, այլ պարզապես ցանկանում է հասնել մի օրենքի ընդունմանը, որը կանխարգելող բնույթ ունի և օգտակար է ողջ հասարակության համար:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 1804 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝