Այս ցուցակի բոլոր կենդանիները չէ, որ վտանգված են համարվում, սակայն դրանց վայրի բնության մեջ լուսանկարելը բավականին դժվար է: Այս կենդանիներից մի քանիսն անգամ բնաջնջված էին համարվում այնքան ժամանակ, քանի դեռ որոշ լուսանկարիչների չէր հաջողվել հայտնաբերել և լուսանկարել դրանց: Ստորև ներկայացված են աշխարհի ամենահազվագյուտ կենդանիները:
25 Հնդկեղեգի լեմուր (կիսակապիկ)
Ամուր ծնոտի շնորհիվ այս լեմուրները կարողանում են հնդկեղեգ կրծել: Հնդկեղեգը նրանց սննդակարգի հիմնական մասն է: Այս լեմուրներից ընդամենը 100 հատ կա Մադագասկարի ջունգլիներում:
24 Լոպատեն
Այս փոքրիկ թռչուններն ապրում են Հյուսիսարևելյան Ռուսաստանում: Նրանց հաճախ կարելի է տեսնել ոչ խորը ջրերով առաջ ընթանալիս: Այս թռչնատեսակից ընդամենը 1000 հատ է մնացել:
23 Ջամայկայի ժայռերի իգուանա (մողեսի տեսակ)
Թեպետ տարիներ շարունակ այս իգուանան բնաջնջված էր համարվում, 1970 թ.-ին այն կրկին հայտնաբերվեց Ջամայկայի Հելշայր լեռներում:
22 Երկրաչափական կրիա
Հարավային Աֆրիկայում բնակվող այս կենդանատեսակը ներկայումս վտանգված է գիշատիչ կենդանիների հարձակումների և բնակության տարածքի ավիրման պատճառով:
21 «Ստաբֆութ» դոդոշ
1985 թ.-ից մինչև 1990-ական թվականները այս կենդանատեսակը բնաջնջված էր համարվում, սակայն 1990-ականների կեսերին մարդիկ կրկին հայտնաբերեցին նրան:
20 Առարիպե մանակին
Ներկայումս Բրազիլիայում ընդամենը 779 Առարիպե Մանակին կա:
19 Ռոլովեյ կապիկ
Անցյալում այս կապիկը կարող էր հանդիպել Կոտ դ՛Իվուարի և Գանայի վայրի անտառներում, սակայն ներկայումս այն բնաջնջված է Գանայում և խիստ վտանգված Կոտ դ՛Իվուարում:
18 Կուբայական մեծ, ձագարաձև ականջներով չղջիկ
Վայրի բնության մեջ այս չղջիկների միայն 100 տեսակ է մնացել:
17 Մանգուստ դուրել
Տարօրինակ տեսքով այս կենդանին հանդիպում է միայն մի տեղում` Մադագասկարի Ալաուտրա գետի մերձակայքում:
16 Գութիի մորմ (տարանտուլա)
Այս մորմը բնակվում է Հնդկաստանի և Շրի Լանկայի հարավարևմուտքում: Ներկայումս այն վտանգված տեսակ է համարվում: Նշվում է, որ այն վտանգվել է տարբեր պատճառներով, այդ թվում` քաղաքացիական խժդժությունների և վառելափայտ հավաքելու պատճառով:
15 Անգոնոկա կրիա
Անգոնոկան հաճախ համարվում է աշխարհի ամենահազվագյուտ կրիան: Այս ցուցակում ընդգրկված շատ այլ կենդանիների պես այն Մադագասկարի էնդեմիկ կենդանիներից է:
14 Թռչկոտող սրընչակ
Ակնհայտ պատճառներով այն հայտնի է նաև իբրև փիղ-սրընչակ: Ներկայումս այս կենդանին բնակվում է Քենյայի Բոնի-Դոդորի անտառում և ծայրաստիճան վտանգված է:
13 Տափակամարմին շնաձուկ
Նախկինում այս շնաձուկը բնակվում էր Ատլանտյան օվկիանոսում, Միջերկրական ծովում և Սև ծովում, սակայն ձկնորսության պատճառով ներկայումս հազվադեպ կարելի է տեսնել նրան այս ջրերում:
12 Մազոտ քթով հյուսիսային վոմբատ
Բնության մեջ այս կենդանիներից միայն 115-ն են կենդանի մնացել, և դրանք բոլորն էլ բնակվում են Ավստրալիայում գտնվող Էպինգ անտառի ազգային զբոսայգում:
11 Հիրոլա
Այս կենդանտեսակից միայն 500 օրինակ է մնացել: Այս կենդանիները հանդիպում են միայն Քենյայի և Սոմալիի սահմանագծին գտնվող փոքր տարածքի վրա:
10 Սղոցաձուկ
Այս ձկնատեսակը հիմնականում բնակվում է Հյուսիսային Ավստրալիայում: Նրա կնճիթը օգնում է հոտոտելով կեր որոնել օվկիանոսի հատակին:
9 Տոնկինյան վեր ցցված քթով («կուռնոս») կապիկ
Այս կենդանին հանդիպում է Հյուսիսային Վիետնամում: Աշխարհում մնացել է միայն 200 այս տեսակի կապիկ:
8 Սումատրանյան ռնգեղջյուր
Ավանդական բժշկության մեջ օգտագործվում են այս ռնգեղջյուրի կոտոշները: Նրան այնքան են որսացել կոտոշների համար, որ ներկայումս ընդամենը 200 այսպիսի ռնգեղջյուր կա: Դրանք բնակվում են Մալազիայում և Ինդոնեզիայում:
7 Վագր-կզաքիս
Վագր-կզաքիսը մսակեր պարկավոր կենդանի է, որն ավստրալական ծագում ունի: Այն մոտ տասը տարի ոչ մեկի աչքով չէր ընկել, սակայն 2012 թվականին մի մարդու հաջողվեց լուսանկարել նրան:
6 Պուտավոր եղնիկ
Սա աշխարհի ամենավտանգված կենդանիներից է: Այն բնակվում է Ֆիլիպինների ջունգլիներում: Առաջին անգամ անցյալ տարի է հաջողվել մոտիկից լուսանկարահանել պուտավոր եղնիկին:
5 Ելնդավոր խոզ
Ֆիլիպիններում բնակվող այս կենդանուն ևս դժվար է նկարահանել: Աշխարհում ընդամենը մի քանի հարյուր հատ է մնացել այս կենդանուց:
4 Ֆլորիդայի հովազ
1970 թվականին միայն 20 Ֆլորիդայի հովազ էր մնացել աշխարհում: Այդ ժամանակվանից ի վեր այս կենդանիների թիվը մի փոքր աճել է, սակայն դրանք դեռևս հազվագյուտ են համարվում:
3 Սպիտակ առյուծ
1994 թվականից այս առյուծները չեն հանդիպել վայրի բնությունում: Դրանք ալբինոսներ չեն, և համարվում են Աֆրիկայի Թիմբավաթի շրջանի բնիկ կենդանիներ:
2 Ձյունահովազ
Ձյունահովազները հազվադեպ են երևում վայրի բնության մեջ: Երբ անցած տարի Տաջիկստանի լեռներում լուսանկարել էին ձյունահովազի երկու ձագուկների, լուսանկարներն անմիջապես գրավել էին հանրության ուշադրությունը:
1 Հսկայական կաղամար
Ճապոնացի գիտնականներին վերջերս առաջին անգամ հաջողվել է նկարահանել հսկայական կաղամարի օվկիանոսի մակերևույթից մոտ մի կիլոմետր ներքև: