Դուք նոր եք սկսել հանդիպել, իսկ ընկերդ արդեն ակնարկում է ֆիզիկական մտերմության մասի՞ն: Հավանաբար նրան քեզնից ավել բան պետք չի: Արդյո՞ք դա այդպես է, թե ոչ, կարող ես պարզել.

1. Նա շատ է կենտրոնացած ձեր հարաբերությունների ֆիզիկական կողմի վրա

Նա անընդհատ ակնարկում է սեքսի մասին, կիսվում է իր ֆանտազիաներով, փորձում է դիպչել քեզ, բայց ոչ ռոմանտիկ ձևով, այլ սեքսուալ, շոյում է, ձեռքերին ազատություն է տալիս… Հավանաբար հենց սեքսն է ձեր հարաբերություններում նրա համար գագաթնակետ, և ինքը ոչ մի լուրջ բանի մասին չի մտածում:

2. Նա չի հետաքրքրվում քո կյանքով

Նրա համար ավելի կարևոր է, թե որքան սեքսուալ տեսք ունես, այլ ոչ թե ինչ ես ասում կամ ինչպես է անցել օրդ: Նա գրեթե չի լսում քեզ, բայց առիթը բաց չի թողնում ուսումնասիրելու քեզ: Հետևությունը պարզից էլ պարզ է:

3. Նա աշխատում է հանդիպել ուշ ժամի

Եթե ձեր ժամադրությունը սկսվել է գիշերը ժամը 11-ին, ապա վստահ եղիր, որ նա սպասում է, որ այն կավարտվի քո կամ իր անկողնում: Իսկ եթե նա «անմեղորեն» հրավիրում է քեզ երեկոյան մի շիշ գինիով լավ ֆիլմ դիտել… Մեկնաբանություններն ավելորդ են…

4. Սեքսից հետո դու այլևս նրան չես հետաքրքրում

Այն մասին, որ գիշերվա շարունակությունը միասին անցկացնեք, խոսք անգամ գնալ չի կարող: Նա կամ ինքն է փախչում, կամ սկսում է «նրբանկատորեն» քեզ դուրս հրավիրել: Դա ինտիմի վրա կենտրոնացած տղամարդու տիպիկ վարք է. հերիք է ինքը ստանա այն, ինչ ուզում է, և որսը նրան այլևս չի հետաքրքրում:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել