168.am-ը գրում է․
ՌԴ Անվտանգության խորհրդի քարտուղար Նիկոլայ Պատրուշևը հայտարարել է, որ «Կրոկուս Սիթի Հոլ» համերգասրահում ահաբեկչություն իրականացնողները ու կազմակերպիչներն անպայման կկրեն իրենց պատիժը։
Այս մասին հայտնում է ՏԱՍՍ-ը՝ մեջբերելով քարտուղարի խոսքերը։
«Անկասկած, մարդկանց զանգվածային մահերի մեղավորներն անպատիժ չեն մնա»,- նշել է նա՝ իր ցավակցությունները հայտնելով կատարվածի կապակցությամբ։
Պատրուշևը կարծիքով՝ այս իրադարձությունը ցույց է տալիս, որ ահաբեկչությունն անվտանգության սպառնալիք է հանդիսանում։
Մոսկվայի «Կրոկուս Սիթի Հոլ» համերգասրահում տեղի ունեցած ահաբեկչության հետևանքով զոհերի թիվը վերջին տվյալներով հասել է 93-ի։ ՌԴ քննչական կոմիտեն հայտարարել է, որ զոհերի թիվը շարունակում է աճել։
Նյութի աղբյուր՝ https://168.am/2024/03/23/2015348.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել