Tert.am-ը գրում է.
ԱՄՆ-ը դեռևս մտադիր չէ իր զորքերը տեղակայել Ուկրաինայում:
Լրագրողների համար հերթական ճեպազրույցում նման հավաստիացում է արել Պետդեպարտամենտի մամուլի ծառայության ղեկավարի տեղակալ Վեդանտ Պատելը` մեկնաբանելով Ռուսաստանի արտաքին հետախուզական ծառայության տնօրեն Սերգեյ Նարիշկինի հայտարարությունները Ֆրանսիայի կողմից ռազմական կոնտինգենտի Ուկրաինա ուղարկելու հարցը:
Փոխանցում է ՏԱՍՍ-ը։
«Նախ, ես ուղղակի կասեի՝ թերահավատորեն ընդունեք այն ամենը, ինչ ասում են ռուս պաշտոնյաները։
Երկրորդ, եթե դա ճիշտ է, մենք պետք է այդ մասին խոսենք մեր ֆրանսիացի գործընկերների հետ», - նշել է Պատելը:
Հիշեցնենք, որ ավելի վաղ նշել էինք, որ ՌԴ արտաքին հետախուզության ծառայության ստացած տվյալների համաձայն, Ֆրանսիան արդեն նախապատրաստվում է զորախումբ՝ Ուկրաինա ուղարկելու համար։ Սկզբնական փուլում այն կկազմի մոտ երկու հազար մարդ։