Armenpress.am-ը գրում է.

Վրաստանի վարչապետ Իրակլի Կոբախիձեն հաջորդ շաբաթ կայցելի Հայաստան։ 

«Արմենպրես»-ի փոխանցմամբ՝ այս մասին տեղեկացնում է «Sputnik» գործակալության վրացական ծառայությունը։

«Շաբաթ օրը կայցելեմ Ադրբեջան, որին մեկ շաբաթ անց կհետևի իմ այցելությունը Հայաստան։ Մենք կքննարկենք երկկողմ համագործակցության հետ կապված բոլոր հարցերը», - ասել է Կոբախիձեն։

Վրաստանի վարչապետը կարծում է, որ տարածաշրջանում խաղաղության ապահովումը շատ կարևոր է։

Ավելի վաղ Իրակլի Կոբախիձեն հանդիպում էր ունեցել Վրաստանում Հայաստանի և Ադրբեջանի դեսպանների՝ Աշոտ Սմբատյանի և Ֆաիգ Գուլիևի հետ։  Հանդիպումների ընթացքում քննարկվել են ռազմավարական գործընկերության զարգացման հարցերն ու հեռանկարները։

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել