Այս իրավիճակը, բնականաբար, պարբերաբար իր արձագանքն է գտնում նաև մամուլում, և օրինակ՝ այսօր հերթական հրապարակումն էր հայտնվել՝փաստող այն մասին, որ իրավիճակն իսկապես ծայրահեղ է:
Բայց արի ու տես,որ ԶՊՄԿ-ի փիառշիկ Արոն ու իր վայ «ֆեյքերը», խորապես թքած ունենալով ռեալ իրավիճակի ու հանրային կարծիքի վրա, զբաղվում են ԶՊՄԿ-ի բիզնես շահերի սպասարկմամբ: Մամուլում հնչող ահազանգն ի գիտություն ընդունելու փոխարեն սրանք զբաղված են վատթար իրավիճակի արդարացմամբ. կա՛մ լկտիաբար հարձակվում են, կա՛մ նույնքան լկտիաբար հայտարարում, թե կորսված առողջության դիմաց մարդիկ գումարային փոխհատուցում են ստանում: Այսինքն՝ սրանց թվում է, թե փողով կարելի է ամն ինչ գնել՝ մարդկանց էլ, նրանց կարծիքն էլ, առողջությունն էլ:
Բայց բացի վերոհիշյալից, Արոն մամուլին հակազդման մեկ այլ եղանակ էլ է հորինել. իրականությունը պատմողներին սեփական ֆեյսբուքյան էջով հռչակում է՝ Ադրբեջանի «ջրաղացին ջուր լցնողներ», չարակամներ, որոնք ցանկանում են, որ ԶՊՄԿ-ն փակվի,որ իբր տնտեսությունն է՛լ չշնչի:
Մինչդեռ իրականությունն լրիվ հակառական է՝ նորմալ մարդիկ, այլ ոչ թե փողի դիմաց հոգիները ծախածներն ընդամենը ցանկանում են, որպեսզի կոմբինատը շրջակա միջավայրի ու բնակչության համար անվտանգ լինի, որ արոները իրենց փողի դիմաց Ադրբեջանի «ջրաղացին ջուր չլցնեն» ու Հայաստանի խաղաղ բնակչությանը չսպանեն: Ցանկանում ենք, որ Արոյի շեֆերը ձեռքները տանեն տռզված գրպաններն ու պոչամբարի ռեկուլտիվացիան կարգավորեն՝ չանիծելու բնության հերը:
Մարդիկ ընդամենն ուզում են չմեռնել, շա՞տ բան են ուզում…
Նյութի աղբյուր՝ https://t.me/yerevantimes9/168
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
