Ինչպե՞ս են ականջակալներն ազդում լսողությանը վրաDoctors.am-ը գրում է.

Ականջակալների սխալ օգտագործումը կարող է հանգեցնել ծանրալսության: 

Լսողությունը ուղեղի որոշակի հատվածների կողմից որպես ձայն ընկալվող էլեկտրական ազդակների ամբողջությունն է: Էլեկտրական ազդակներն առաջանում են ներքին ականջի կորտյան օրգանի զգայուն բջիջների կողմից՝ տատանումների ազդեցության տակ: Տատանումները կարող են առաջանալ ցանկացած աղմուկից, որն անցնում է ներքին ականջի,թմբկաթաղանթի և լսողական ոսկրերի միջով: Շատ ուժեղ տատանումներն (այսինքն բարձր ձայները) առաջացնում են զգայուն բջիջների մահ, և լսողությունը վատանում է: Այս պատճառով էլ բարձր երաժշտություն լսելը շատ վտանգավոր է, հատկապես՝ բարձր երաժշտությունն ականջակալներով լսելը, չէ՞ որ այս դեպքում ձայնի կորուստն ավելի քիչ է, հետևաբար ինտենսիվությունը բարձր է:

Փրկենք մեր ականջները 

Առողջ մարդկանց մոտ, ովքեր չեն չարաշահում ականջակալների օգտագործումը, լսողության տարիքային փոփոխություններն սկսում են 30 տարեկանից հետո: Բայց այս փոփոխություններն աննշան են, և նկատելի են դառնում միայն 55-60 տարեկանում: Մինչև 1979թ. մոլորակի բնակչության 80%-ին բնորոշ էին լսողության նվազման այս տեմպերը: Սակայն 70-ականների վերջում Ճապոնիայում ստեղծվեց շարժական նվագարկիչը(player), և լսողության խանգարումները հաճախացան նաև երիտասարդների մոտ: 

Ի՞նչ անել

Պարտադիր չէ հրաժարվել ականջակալներ կրելուց: Պարզապես պետք է պահպանել մի քանի պարզ կանոն. 

1.Ականջակալներն անընդմեջ մեկ ժամից ավելի մի կրեք, իսկ օրվա ընթացքում՝ 2 ժամից ավելի: 

2.Թույլատրելի սահման է համարվում ձայնի 80 դեցիբել հաճախականությունը. ավելի բարձր ձայնը կարող է հանգեցնել լսողության վատացմանը: Աշխատեք չանցնել 60 դեցիբել հաճախականության սահմանը: Սա նվագարկչի առավելագույն ձայնի 60% է: 

3.Հրաժարվեք կաթիլաձև ականջակալներից. նրանք ավելի 'բարձր' են, քան մեծ ականջակալները, և կարող են առաջացնել ոչ միայն լսողական խանգարումներ, այլև լսողական անցուղու մաշկի գրգռում և բորբոքում: 

4. Մի՛ բարձրացրեք երաժշտության ձայնը՝ շրջապատի աղմուկը (օրինակ՝ հասարակական տրասպորտի աղմուկը) խլացնելու համար: Եթե աղմուկը լսելի է ականջակալների միջով, ապա դա նշանակում է, որ աղմուկի ձայնը գերազանցում է 100 դեցիբել հաճախականությունը: Եվ երաժշտության ձայնը բարձրացնելով՝ դուք ավելի եք անցնում 80 դեցիբել սահմանագիծը, հետևաբար անդառնալի վնաս եք պատճառում լսողությանը:

Իսկ որո՞նք են վտանգի նշանները: Մենք ինքներս մեզ համար աննկատ ենք կորցնում լսողությունը: Սակայն որոշ ծայրահեղ դեպքերում օրգանիզմը փորձում է մեզ նախազգուշացնել:

Այսպիսով, անհապաղ ստուգեք լսողությունը, եթե. 


- ականջներում պարբերաբար ձայն եք լսում , որը միայն Ձեզ է լսելի, 
-շրջապատի ձայները, կարծես, խլացած են դարձել, 
-դժվար է հասկանալ՝ ինչի մասին է խոսում զրուցակիցը, հատկապես աղմկոտ վայրերում, 
-որոշ նորմալ բարձրության ձայներ շատ բարձր են թվում, օրինակ՝ բարձր լսում եք մատիտի ձայնը գրելիս: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել