1in.am-ը գրում է.
21-ամյա լեհուհի Անյա Լիսևսկայան, ով որոշել է սեռական զուգընկերների թվով ռեկորդ սահմանել, մտադիր է Եգիպտոս մեկնել: Այս մասին տեղեկացնում է «Ալ-Արաբիա» հեռուստաալիքը:
Կահիրեն Մեձավոր Արևելքում առաջին քաղաքը կդառնա, որտեղ աղջիկը պատրաստվում է լրացնել տղամարդկանց իր հավաքածուն:
Սեպտեմբերի մեկին եվրոպական ԶԼՄ-ները տեղեկացրեցին երիտասարդ լեհ կնոջ մասին, ով երազում է Գինեսի ռեկորդների գրքում հայտնվել: Աղջկա գնահատականներով՝ դրա համար ինքը պետք է 100 հազար տղամարդու հետ սեռական հարաբերություններ ունենա:
Erem News կայքի տվյալնեով՝ Եգիպտոս այցն օգնել է կազմակերպել Մուհամմեդ Աբդել Մոնեիմը, ով տուրիստական գործակալ է: Նա Անյայի ընտրությունը բացատրել է նրանով, որ աղջիկը եգիպտացի տղամարդկանց սեքսուալ, գեղեցիկ և քաջ է համարում:
Արաբական ԶԼՄ-ները տեղեկացնում են, որ եգիպտացի տղամարդիկ արդեն բազմաթիվ նամակներ են ուղարկել աղջկան, սակայն ոչ թե հանդիպման առաջարկներով, այլ սպառնալիքներով: Նրանք հայտարարել են, որ «իրենց երկիրը մարմնավաճառներին չի սիրում և չի սպասում», իսկ նրա այցն «անցանկալի» է։
Ինչպես ավելի վաղ նշվում էր, աղջիկը իր միակ հարցազրույցը Austrian Times հրատարակչությանն է տվել, այդ պատճառով էլ հասկանալի չէ, թե որքանով է դա իրական: Սակայն նրա Facebook-յան էջում տղամարդիկ արդեն հերթագրվում են նրա հետ կենակցելու համար: Մեկ շաբաթում Անյան արդեն 60000 համացանցային ընկերներ է ձեռք բերել:
