![](/static/news/b/2013/08/79926.jpg)
Emedia.am-ը գրում է.
ԱՄՆ նախագահ Բարաք Օբաման հայտարարել է, որ Սիրիայի քաղաքացիական պատերազմի միջամտությունն իրավիճակը չի փոխի, չնայած նրան, որ ռազմական գործողության մասին վերջնական որոշում նա դեռ չի ընդունել:
Այս մասին PBS-ին տված հարցազրույցի ժամանակ հայտարարել է Բարաք Օբաման, հաղորդում է Agence France-Presse-ը:
Ըստ նրա՝ ԱՄՆ կառավարությունը եկել է այն եզրակացության, որ Դամասկոսի մերձակայքում քիմիական զենքի կիրառման հետևում կանգնած են երկրի իշխանությունները: Սակայն նա իր խոսքերն ապացուցող որևէ փաստ չի ներկայացրել: Նա նշել է, որ դժվար թե սիրիական ապստամբներն ունենային քիմիական զենք և այն տեղափոխելու գումար:
Օբաման նաև հայտնել է, որ Սիրիային հնարավոր ռազմական հարվածը լինելու է փոքրամասշտաբ՝ Ասադի և ապստմաբների ուժերի միջև բալանսը պահպանելու համար:
«Ամերիկայի միջամտությունը պետք է սիրիական կառավարությանը բավականին ուժեղ ազդանշան ուղարկի, որ ավելի լավ է այդպես էլ չանել»,- ասել է Օբաման:
Նշենք, որ Սիրիայի հարցով ՄԱԿ–ի ԱԽ մշտական 5 պետությունների հանդիպման ժամանակ Ռուսաստանը հայտարարել էր, որ ռազմական միջամտությունը Սիրիայում կարող է աղետալի հետևանքներ ունենալ տարածաշրջանի համար։