1in.am-ը գրում է.

Լոնդոնում հարյուրավոր մարդիկ մասնակցել են վարչապետ Դևիդ Քեմերոնի նստավայրի մոտ անցկացված հանրահավաքին՝ ուղղված Սիրիայում ռազմական միջամտություն ցուցաբերելու ծրագրերի դեմ:

Ակցիան կազմակերպել էր «Դադարեցրե´ք պատերազմը» կոալիցիան, որը ծրագրում է առաջիկա շաբաթ օրը համանման միջոցառում անցկացնել Թրաֆալգար հրապարակում: ITAR-TASS-ի փոխանցմամբ՝ ոստիկանությունը շղթայել էր Դաունինգ սթրիթ 10-ը, որտեղ մասնակիցները նստացույց են արել: 

Երկրի արտգործնախարար Ուիլյամ Հեյգը հստակ հասկացնել է տվել, որ Լոնդոնը պատրաստ է դաշնակիցների հետ համատեղ ռազմական գործողություններ սկսել ՄԱԿ ԱԽ-ի համաձայնության բացակայությամբ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել