![](/static/news/b/2021/11/779015.jpg)
Նոյեմբերի 8-ին՝ ժամը 15։00-ին, Արցախի Հանրապետության Շուշի քաղաքի մուտքի մոտակա խաչմերուկի հարևանությամբ ադրբեջանական կողմը կրակոցներ է արձակել ջրամատակարարման խողովակների վրա շինարարական աշխատանքներ իրականացնող քաղաքացիական անձանց ուղղությամբ, ինչի հետևանքով տուժել են 4 քաղաքացիական անձինք, որոնցից մեկը՝ 22-ամյա Ե․Մ-ն, մահացել է, երեքին (41-ամյա Ս․Ա, 31-ամյա Մ․Գ․, 43-ամյա Դ․Գ․) ցուցաբերվում է բժշկական օգնություն։ Տուժածների վիճակը բժիշկների կողմից գնահատվում է միջին ծանրության։
Իրավապահ մարմինների կողմից այս պահին իրականացվում են համապատասխան աշխատանքներ դեպքի հանգամանքները պարզելու ուղղությամբ, ինչի պատճառով Ստեփանակերտ-Բերձոր ճանապարհահատվածի Շուշիի հատվածում երթևեկությունը կարճ ժամանակով դադարեցված է։
Արձանագրված միջադեպը հայ ժողովրդի նկատմամբ ադրբեջանական կողմի հայատյաց, ցեղասպան ու ֆաշիստական վարքագծի հերթական ապացույցն է, որի մասին եռակողմ հայտարարության ստորագրումից ի վեր բազմիցս հայտարարել ենք։
Ադրբեջանական կամայականություններին ու անպատժելիությանը պետք է վերջ դրվի, ինչը հնարավոր է Արցախի ժողովրդի նկատմամբ ադրբեջանական կողմի նման հանցավոր գործողությունների ուսումնասիրության և մեղավորներին պատասխանատվության ենթարկելու համար հստակ մեխանիզմների ներդրմամբ։
![May be an image of one or more people](https://scontent.fevn12-1.fna.fbcdn.net/v/t39.30808-6/255288712_4222967504499298_2738212589608732520_n.jpg?_nc_cat=102&ccb=1-5&_nc_sid=730e14&_nc_ohc=hpvNakutwuAAX9cq1Tu&_nc_ht=scontent.fevn12-1.fna&oh=7c301247df4825cf7a59b83c34dcecbb&oe=618DA179)
![May be an image of one or more people, indoor and hospital](https://scontent.fevn12-1.fna.fbcdn.net/v/t39.30808-6/255207700_4222967491165966_8103626625163766356_n.jpg?_nc_cat=105&ccb=1-5&_nc_sid=730e14&_nc_ohc=YewthCBXxDYAX_88WzR&_nc_ht=scontent.fevn12-1.fna&oh=f503e4b03a41a889478593432f84460a&oe=618EA56F)
![May be an image of 1 person](https://scontent.fevn12-1.fna.fbcdn.net/v/t39.30808-6/255041882_4222969097832472_8106059533864168722_n.jpg?_nc_cat=101&ccb=1-5&_nc_sid=730e14&_nc_ohc=qW3FwUDuqN0AX-O7gDG&_nc_ht=scontent.fevn12-1.fna&oh=d770e935e87f952425bc7d5615f575e8&oe=618DC5DE)
Նյութի աղբյուր՝ https://www.facebook.com/gegham.stepanian/posts/4223005807828801
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել