
1in.am-ը գրում է.
Բրիտանական իշխանությունները փորձել են The Guardian թերթին ստիպել ոչնչացնել ԿՀՎ նախկին գործակալ Էդվարդ Սնոուդենից ստացած ողջ տեղեկատվության պատճենները՝ փոխանցում է Reuters գործակալությունը:
Մասնավորապես հաղորդվում է այդ նյութերը ոչնչացնելու կամ փոխանցելու գրավոր խնդրանքների, ինչպես նաև պարբերականի խմբագրություն բրիտանական և ամերիկյան հատուկ ծառայությունների կատարած այցերի մասին:
Արդյունքում մի քանի կոշտ սկավառակներ ոչնչացվել են՝ իբրև թե թույլ չտալու չինացի լրտեսներին՝ գաղտնի տեղեկատվություն ստանալ:
Թերթը հայտնում է կառավարության կողմից սպառնալիքների մասին, որոնք իշխանությունների ու լրագրողների դիմակայությունը նոր մակարդակի են հասցնում:
Ավելի վաղ Լոնդոնի Հիթրոու օդանավակայանում ձերբակալել էին Սնոուդենի գաղտնազերծումները հրապարակած լրագրողի ընկերոջը՝ հարցաքննության համար, ինչի առնչությամբ լրագրողը հայտարարել է, որ մտադիր է ավելի ագրեսիվ գործել: