Operativ.am-ը գրում է.

ԱՄՆ ԿՀՎ-ն պաշտոնապես ճանաչել է «Գոտի 51» անվանումով հայտնի գաղտնի օբյեկտի գոյության փաստը: Դրա մասին տեղեկությունը հայտնվել է վերջերս գատնազերծված փաստաթղթերում, որոնք կապված են «U-2» լրտեսական ինքնաթիռի ստեղծման պատմության հետ: 

Ջորջ Վաշինգթոնի անվան համալսարանից ստացած փաստաթղթերում խոսվում է 1955 թվականին Նևադայում հողամասի ձեռքբերման մասին, որը նախատեսված էր գաղտնի ինքնաթիռի փորձարկումների անցկացման համար:

Փաստաթղթերում նաև բացատրվում է դրանց կապը ՉԹՕ-ների և տիեզերական եկվորների` այլմոլորակայինների հետ: 

Գաղտնազերծված փաստաթղթերը հավաստում են , որ այն շրջանի բնակիչները, որտեղ անցկացվում էին «U-2»-ի փորձարկումները, բարձր թռչող ինքնաթիռն ընկալել են որպես ոչ երկրային օբյեկտ, որի հետևանքով հայտնվել են ՉԹՕ-ների մասին պատմությունները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել