Doctors.am-ը գրում է.
Վահանաձև գեղձի թերֆունկցիան հանգեցնում է եղունգների և մատների ծայրի մաշկի փոփոխությունների:
Մարդն առանց գիտակցելու փորձում է ազատվել մահացած, եղջերացած մաշկից ու շերտազատված եղունգներից և կրծում դրանք:
Վահանաձև գեղձի թերֆունկցիայի նշանները հետևյալն են՝
- ավելորդ քաշ,
- աշխատունակության անկում,
- տեսանելի փքվածություն
Եղունգների սպիտակ լաքաներն օրգանիզմում ցինկի պակասի նշան են: Ցինկի քանակը կարելի է վերականգնել՝ ընդունելով վիտամիններ և միկրոէլեմենտներ, որոնք ցինկ են պարունակում: Եվս մի նշան է ժամացույցի ապակու ախտանիշը,երբ եղունգները ժամացույցի ապակի են հիշեցնում, իսկ մատները թմբկափայտիկների են նման:
Այս ախտանիշը պայմանավորված է ծայրամասային արյունամատակարարման անբավարարությամբ, որն էլ իր հերթին պայմանավորված է սրտային կամ թոքային հիվանդություններով: Եղունգներին փոքրիկ փոսիկները խոսում են հոդերում սկսվող բորբոքային պրոցեսների կամ փսորիազի մասին: Մեկ խորը փոսիկով եղունգը ռևմատոիդ արթրիտի կամ երկաթի պակասի նշան է:
Կարևոր է նաև եղունգի գույնը:
Եղունգները դեղին են լինում ծխողների կամ եղունգի լաք հաճախ օգտագործողների մոտ, բայց հիմանականում սա սնկային վարակի նշան է: Կապտավուն կամ երկնագույն եղունգները թթվածնաքաղցի նշան են, ինչը սրտի հետ խնդիրիներ է մատնանշում: Եղունգների գույնի բացանալը վկայում է լյարդի հետ կապված խնդիրների մասին: