1in.am-ը գրում է.

Ամերիկյան Բուլարդ քաղաքի բնակիչ Թոմաս Գրեհեմը կուրացել է 18 տարեկանում՝ մանրագնդակի հարվածից: Երկար ժամանակ ընկճախտի մեջ լինելուց հետո Թոմասն ընդունվել է Օսթինի վերականգնողական ինստիտուտ, որտեղ կույր դասախոսը նրան առաջարկել է ատաղձագործություն սովորել:

Այս տարվա ապրիլին կույր ամերիկացին հիշել է սեփական տուն ունենալու իր բաղձալի երազանքի մասին և անցել դրա իրագործմանը:

Առանց կողմնակի օգնության նա կտրել է փայտի կտորները, հիմք գցել և ամրացրել մեխերով: Այս ամբողջ ընթացքում նրա կողքին եղել է կինը՝ Էվելինը, ով ամուսնուն տվել է անհրաժեշտ գործիքները և հետևել, որ հանկարծ վերջինս չվնասի իրեն:

Երբ Գրեհեմն ավարտել է տան հիմնակմախքի կառուցումը, նրա աշխատանքի մասին մեծ թվով մարդիկ են իմացել և ցանկացել են օգնել նպատակասլաց ամերիկացուն:

Տղամարդը նախկինի պես աշխատանքի հիմնական մասն ինքնուրույն է անում, սակայն կամավորները հույս ունեն, որ նա ամեն դեպքում կընդունի իրենց օգնությունը, հաղորդում է Oddity Central-ը:

Լուսանկարները՝ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել