1in.am-ը գրում է.

Եվրոպական երկրների իրավապահ մարմինները ձերբակալել են 75 մարդու, որոնք կասկածվում են մարդկանց առևտրով զբաղվելու մեջ: Այս մասին այսօր հայտնել է իսպանական ոստիկանությունը, հաղորդում է Agence France-Presse-ը: 

Հանցավոր կազմակերպությունը զբաղվել է Չինաստանից Եվրոպա միգրանտների տեղափոխմամբ (հիմնականում՝ Մեծ Բրիտանիա և ԱՄՆ): Իրենց ծառայությունների դիմաց կասկածյալները չինացիներից պահանջել են 40 հազար եվրո: 

Ցանցը գտնվել է Բարսելոնում: 51 մարդ, այդ թվում՝ կազմակերպիչները ձերբակալվել են Բարսելոնում, ևս 24-ը՝ Ֆրանսիայում: Ինչպես նշում է BBC News-ը, օպերացիայի ընթացքում առգրավվել են մոտ 80 կեղծ անձնագրեր, գումար և զենք:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել