ԱՄՆ-ում թեստավորման համար ջարդուխուրդ արված 12 ավտոմեքենաներից միայն մեկն է արժանացել բարձր բալի (տեսանյութ)1in.am-ը գրում է.

Ամերիկյան Ճանապարհային անվտանգության ապահովագրական ինստիտուտը (IIHS) զեկուցել է իր հերթական քրաշ-թեստի մասին, որն անցած տարվանից իրականացվում է նոր մեթոդներով: Փորձարկումներին մասնակցել է 12 ավտոմեքենա, սակայն ամենաբարձր գնահատականներին արժանացել է միայն մեկը: 

Թեստը բարդ է նրանով, որ 65 կմ/ժ արագությամբ ավտոմեքենան բախվում է ավտոմեքենայի դիմացի հատվածի ընդամենը 25 %-ը կազմող պատնեշին: Ընդ որում հարվածը ուղղված է ավտոմեքենայի ձախակողմյան հատվածին, բայց անվտանգության պասիվ համակարգն այլ կերպ է աշխատում:

Ամենաբարձր գնահատականը ստացել է Honda Civic-ը:

Քրաշ-թեստի լավ գնահատականներ ստացել են նաև Dodge Dart, Ford Focus, Hyundai Elantra և Scion tC ավտոմեքենաները: Փորձարկումը չեն անցել Chevrolet Cruze-ը, Sonic-ը, ինչպես նաև Volkswagen Beetle-ը: 12 մոդելներից ամենացածր բալերը տրվել են Kia Forte-ին, Nissan Sentra-ին և Kia Soul-ին: 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել