Doctors.am-ը գրում է.
Ամերիկացի գիտնականները վերջերս եկել են այն եզրակացության, որ աղանդերի օգտագործումը չի ազդում առողջության վրա:
Սակայն այստեղ պետք է զգոն լինել, քանի որ այս հայտարարությունն ամենևին էլ չի նշանակում, որ այսուհետ կարելի է անսահմանափակ քանակությամբ քաղցրեղեն օգտագործել: Օրական գոնե մեկ անգամ քաղցրեղեն ուտող մարդիկ ունենում են ավելորդ քաշի, սիրտանոթային հիվանդությունների հետ կապված խնդիրներ: Սակայն ընդհանրապես քաղցրեղեն չօգտագործող մարդիկ նույնպես կարող են ձեռք բերել մի շարք քրոնիկ հիվանդություններ:
5000 կամավորների մասնակցությամբ հետազոտության ընթացքում գիտնականները վերլուծում էին ոչ միայն մարդկանց առողջական վիճակը, այլ նաև նրանց հակումը դեպի քաղցրեղենը: Կամավորիների 96%-ը քաղցրակերներ էին: Օգտագործվող քաղցրեղենների քանակն ու հաճախականությունը տարբեր էին:
Ինչպես ցույց տվեցին բազմաթիվ թեստերն ու վերլուծությունները՝ կանանց և տղամարդկանց առողջության և քաղցրեղենի օգտագործման միջև անմիջական կապ չկար: Նույնիսկ չէր մեծացել ճարպակալման և սիրտանոթային հիվանդությունների առաջացման հավանականությունը:
Սակայն պետք է հիշել, որ միջինում քաղցրը օրական ավելացնում է 44 կալորիա: Շատ բան նաև կախված է նրանից, թե քաղցրի որ տեսակն եք դուք ընտրում: Շատ մարդիկ նախընտրում են օգտագործել գազավորված քաղցր ընպելիքներ, թխուկներ, բայց ոչ մրգեր: