![](/static/news/b/2013/08/73856.jpg)
Doctors.am-ը գրում է.
Հանգստանալու և նյարդերը թուլացնելու համար անպայման չէ հակադեպրեսանտներ ընդունել: Ընդամենը բավական է ճիշտ սնվել և վերջ:
Սթրեսային մթերքներ. ինչպե՞ս են դրանք աշխատում
Որոշ մթերքներ (օրինակ՝ մի ափսե վարսակի տաք շիլա) օգնում են հաղթահարել սթրեսը՝ բարձրացնելով սերոտոնինի մակարդակը: Որոշ մթերքներ էլ իջեցնում են սթրես-հորմոնների (օրինակ՝ կորտիզոլ, ադրենալին) մակարդակը: Առողջ սնունդը մեզ կարող է ազատել սթրեսից՝ պաշտպանելով իմունային համակարգը կամ իջեցնելով զարկերակային ճնշումը: Բարդ ածխաջրեր
Ածխաջրերը խթանում են սերոտոնինի արտադրությունը, իսկ բարդ ածխաջրերը համարվում են սերոտոնին մատակարարողներ, քանի որ դրանք դանդաղ են յուրացվում: Այդ պատճառով ավելի լավ է նախաճաշին ուտել հացահատիկավոր մթերքներ, օրինակ՝ հաց, վարսակի շիլա, վարսակի փաթիլներ: Դրանց շնորհիվ դուք ձեզ ամբողջ օրն ավելի լավ կզգաք, քանի որ բարդ ածխաջրերը կարգավորում են շաքարի մակարդակն արյան մեջ:
Պարզ ածխաջրեր
Սննդաբանները սովորաբար խորհուրդ չեն տալիս հրապուրվել պարզ ածխաջրերով (կոնֆետներ, գազավորված քաղցր ըմպելիքներ): Չնայած նրան, որ պարզ ածխաջրերն արագ են յուրացվում, և արդյունքում առաջանում է սերոտոնինի արտադրություն, սակայն դրանց ազդեցությունն արագ էլ անցնում է: Բացի այդ, պարզ ածխաջրերը փչացնում են կազմվածքը:
Նարինջ
Նարինջը հարուստ է C վիտամինով, որը կարգավորում է սթրես-հորմոնների մակարդակը՝ միևնույն ժամանակ ամրացնելով իմունային համակարգը:
Սպանախ
Գիտնականները նշում են, որ սպանախը շատ մագնեզիում է պարունակում, իսկ մագնեզիումի անբավարարությունը կարող է գլխացավեր ու գերհոգնածություն առաջացնել: Եթե դուք սպանախ չեք սիրում, ապա կարող եք փորձել մագնեզիումով հարուստ ցանկացած այլ թարմ կանաչեղեն, սոյայի հատիկներ կամ սաղմոնի ֆիլե:
Ձուկ
Սթրեսը հաղթահարելու համար պետք է շատ ձուկ օգտագործել: Օրինակ՝ թունան և սաղմոնը պարունակում են օմեգա-3 ճարպաթթուններ, որոնք արգելափակում են սթրես-հորմոնների արտադրությունը և պաշտպանում են մեզ դեպրեսիայից, ինչպես նաև սիրտանոթային հիվանդություններից: Խորհուրդ է տրվում օրական գոնե 100 գր ձուկ օգտագործել:Սև թեյ
Սև թեյը կօգնի ավելի արագ դուրս գալ սթրեսային իրավիճակներից: Գիտնականները հետազոտություն են իրականացրել, որի արդյունքում պարզ է դարձել, որ օրական 4 բաժակ թեյ ըմպող մարդիկ իրենց ավելի հանգիստ են զգում օրվա ընթացքում, քան նրանք, ովքեր մեկ այլ ըմպելիք են նախընտրում: