Aysor.am-ը գրում է.
Մանրէները երկրագնդի հնագույն «բնակիչներն» են: Նրանք ծագել են մոտ 3 մլրդ տարի առաջ:
Մանրէների համար զարգացման լավագույն «վայրերից» մեկը մարդկանց ձեռքերն են, որոնք մենք ամեն անգամ փորձում ենք պաշտպանել մանրէազերծող միջոցների օգնությամբ:
Գիտնականները ուսումնասիրությունների արդյունքում եկել են այն եզրակացության, որ կանանց ձեռքերի վրա մանրէները 50 տոկոսով ավելի շատ են, քան տղամարդկանց ձեռքերի վրա:
Պատճառն այն է, որ տղամարդկանց ձեռքերի վրա թթվայնության մակարդակն ավելի բարձր է, քան կանանց մոտ:
Մեծ դեր ունի նաև կոսմետիկայի կիրառումը, որի արդյունքում մաշկը դառնում է ավելի հարթ, իսկ դրա խնամվածությունը նպաստող պայման է բակտերիաների համար:
Նշենք, որ ձեռքերը մանրէազերծելու համար հարկավոր է օգտագործել այն քսուկները, որոնցում տրիկլոզանի փոխարեն 60% ալկոհոլ է: Սա սպանում է բակտերիաների 99% տոկոսին: